Happy Holidays！慶祝聖誕節，出街食飯好逼人，今晚一於呼朋喚友返屋企開大食會！友人提議買隻到會火雞應吓節，這又令我想起去年用數百元買了隻鞋烚烚火雞回家，事後還要食足7餐的不快經歷。為免重複犯錯，今年決定請教酒店大廚，親手炮製兩款滑嘟嘟的火雞美食！

法式釀火雞

材料

火雞起皮，雞胸切粒，雞髀切成薄片，火雞骨及其餘部分可用來熬湯及煮燒汁。

切粒雞胸肉、乾葱、黑蒜、蛋白、忌廉打成慕絲，加適量鹽和胡椒作調味。

攤平雞髀肉薄片，用唧袋把慕絲鋪滿肉片上，然後用保鮮紙包成拳頭般大小。

放在68℃熱水中浸30至40分鐘，之後拆去保鮮紙，在面層掃上橄欖油，再放進焗爐以185℃猛火焗10分鐘，加燒汁煮熟。

炒熟配菜作伴碟，淋上燒汁即可上枱。

火雞周打湯

材料

火雞骨熬成湯備用。橄欖油落鑊，煎香蒜蓉、部分乾葱、芹菜、部分芹菜頭、西芹和烚栗子，加入胡椒粉、鹽、拔蘭地調味，倒入雞湯拌勻。

將火雞胸切粒，與乾葱、芹菜頭、粟米煎香，放湯後加少許忌廉及鼠尾草便大功告成。

唐銳軒師傅

法式釀火雞：材料：（12人分量）

火雞 1隻 約16磅

黑蒜 36顆

蛋白 12隻

乾葱、忌廉、鹽、胡椒 各少許

配菜：

栗子 24顆

甘筍 24棵

椰菜仔 24棵

蘆筍 24條

蜜糖豆 12條

意大利煙肉 12片

燴紅椰菜 600克

燒汁：

火雞骨、茄膏、紅酒、清雞湯 各適量

做法：

1. 火雞起皮，雞胸切粒，雞髀切成薄片，火雞骨及其餘部分可用來熬湯及煮燒汁。

2. 切粒雞胸肉、乾葱、黑蒜、蛋白、忌廉打成慕絲，加適量鹽和胡椒作調味。

3. 攤平雞髀肉薄片，用唧袋把慕絲鋪滿肉片上，然後用保鮮紙包成拳頭般大小。

4. 放在68℃熱水中浸30至40分鐘，之後拆去保鮮紙，在面層掃上橄欖油，再放進焗爐以185℃猛火焗10分鐘，加燒汁煮熟。

5. 炒熟配菜作伴碟，淋上燒汁即可上枱。

火雞周打湯：材料：（2人分量）

火雞胸 少許

火雞湯（用去肉的火雞骨熬煮） 150克

烚栗子 60克

忌廉、橄欖油、拔蘭地 各適量

粟米、乾葱、蒜蓉、西芹、芹菜、芹菜頭、煙肉 各15克

鼠尾草 2棵

脆餅/梳打餅 1塊

做法：

1. 火雞骨熬成湯備用。橄欖油落鑊，煎香蒜蓉、部分乾葱、芹菜、部分芹菜頭、西芹和烚栗子，加入胡椒粉、鹽、拔蘭地調味，倒入雞湯拌勻。

2. 將火雞胸切粒，與乾葱、芹菜頭、粟米煎香，放湯後加少許忌廉及鼠尾草便大功告成。

小貼士

1. 火雞肉較鞋口，用攪拌機將雞胸肉打成慕絲，既可品嘗濃郁雞肉香，口感亦變得滑溜。

2. 加入大量雜菜有點綴作用，亦可減低油膩感。

3. 鼠尾草味道濃烈，與味淡的火雞尤其配合，加少許會令湯更惹味。

4. 歐洲人會用聖誕剩下的廚餘煲湯，大家也可用食剩的材料煮火雞湯。

唐銳軒師傅

太子酒店總廚，入廚20年，曾於多間著名酒店及餐廳擔任資深廚師及主管，又曾獲馬哥孛羅酒店推薦到德國受訓，精於意大利及Fusion菜式，擅長以簡單的烹調技巧製作融匯亞洲風味的西菜。