上星期日去屋苑盆菜宴，筵開四十席，原本在球場開餐，舞台在中央，由於落雨，主辦機構以香港人的靈活應變方式轉換模式，改在屋苑行人加蓋的通道設宴，外加大膠布保溫擋雨。

我在fb上載「食盆菜先嚟落雨，唔通連個天都唔鍾意我～哈哈～」我知加哈哈是硬滑稽，幸好大家覺得幾好笑。

盆菜是粗糙菜式，食材都是廉價的魚蛋、鮑片、豬皮、雞鴨和腐竹等，不過，只要用料新鮮，用爐煮熱來食依然美味。

也許我比較懶，食了兩粒魚蛋和兩隻蝦，覺得魚蛋更美味，因為不用剝殼，芋頭和蘿蔔煮了那麼久，也覺可口。

由於氣溫驟降，我雖然面對火爐，仍然全程穿羽絨吃飯，有點戶外打邊爐風味，覺得豬皮和腐竹特別美味。

雨天音響器材很易沾水即壞，所以，我體諒音響效果太嘈吵，幸好藝人演出不錯，一個人扮兩個角色，分別以子喉平喉的唱《劍合釵圓》和《游龍戲鳳》，歌藝好過不少電視籌款節目捐錢自己唱歌的有錢人和姐仔哥仔。

今時今日，跑江湖藝人反而要真材實料，要是唱歌走音甩拍，相信不敢跟食客面對面唱歌，以免被人擲雞蛋啊。

這是街坊盆菜宴，我見有幾個人在家拿一鍋菜去加菜，看來都食得開心，很快忘記落雨。