自拍照相館愈影愈有Fun

Selfie（自拍）當選牛津詞典2013年度熱詞，可想而知自拍魔力有幾勁。平時玩自拍不是影大頭，就是高炒，想不想來個創意突破？全港首間實境元素自拍照相館「Freepho」，店內有多間主題式真實場景，還提供單反相機、專業燈光、大量服裝、道具、配飾等，每人收費約百零蚊，最後更可取回全數照片，今個聖誕節值得同班Friend搞搞氣「Fun」吧！

有齊服裝道具和主題背景，同班Friend想扮咩都得！

房內置有專業攝影器材，如單反相機、專業燈光、反光板等。

門前這幅有鞦韆和大啤啤熊的草地牆壁，是店內打龍熱點。

現場有大量特色服裝和道具供大家挑選。

搞鬼場景逐個捉
監倉體積輕巧，就算女生亦能輕易應付，只要把支撐點固定在天花指定位置便大功告成。

監獄風雲
「快啲放我出嚟呀！」

小丑攀石
「老友咪爬咁快，同我搶鏡，可惡！」

應節聖誕老人
「阿邊個唔該塊反光板拎好啲啦！」

優雅的書房場景，不少人前來拍畢業照。

甫進「Freepho」，已見門口位置有一幅鋪滿草的牆壁，大啤啤熊坐在鞦韆上，如此可愛的場景，自然當選必影位置。既然要滿足大家玩自拍的滿足感，怎可缺少專業器材及配套物資？真實場景是不得不提的元素：有夠晒「動感」的攀石牆場景、笑到你肚爆的監倉場景，還有散發書卷氣的書房場景等。房間內還提供單反相機、專業燈光、多種影樓專業背景紙等。

窩心服務

事前工作人員會講解操控器材、換背景紙等方法，教大家安心拍攝；而為免拍攝途中器材運作不良，影響效果，每隔若干時間，工作人員便進來為大家檢查拍攝效果。還有另一窩心服務，就是接待處放置了參考相片、雜誌等，供大家偷師學擺甫士。由於自拍時間以每小時計算，記住要好好把握時間影最多靚相。負責人透露，顧客一般可於一小時拍攝70張之多，最後可得到全數照片，大家記得帶備USB喇！如果即場「Like」該店專頁，更可免費獲贈一張4R照片呢！