終於！終於！我終於收到了！嘩跟中六合彩差不多高興！聽過這麼多《警訊》「畸史」自己都從沒遇過，今次終於輪到我了！來電顯示是一個長途電話號碼，打來的男子聲音懶溫和的：「你好？」我聽到「你好」時登時腎上腺素上升、心跳加速─中獎了！「喂，你點呀？」男子「猜猜人」帶着內地口音，背景聲音嘈吵（我猜是要來擾亂接聽者，讓他/她更容易認錯聲音，以為真是自己認識的人），我問：「你係邊個呀？」「我呀！唔認得？」厲害，這橋一早被踢爆一萬次，仍然認為可以照用，勇氣可加。

「邊個呀？」「我呀，喺XXX返咗嚟喇！」「邊度話？新加坡？」「多倫多呀！」「哦！新加坡嗰個多倫多！」我自己也差點忍俊不禁。「係呀！」嘩咔咔咔咔咔！大師級！竟然忍到笑還厚顏答「係呀！」既然你不怕醜，我也就不怕低手：「哦，係咪喺新加坡嗰個多倫多個Macau返來嗰個？」「係呀，我返咗嚟喇，依家喺大陸！」

此時身邊同事毫子遞來字條，建議與「猜猜人」的對話內容，我馬上採納：「喂，你返咗嚟呀？咁就好喇，你爭我嗰五十萬幾時還呀？」對方馬上掛線。「哎呀！冇得玩！」嬲一：太快收線，不能繼續發揮我的創意和「猜猜人」玩搭訕和忍笑遊戲，嬲二：其實「猜猜我是誰」騙局已被大肆報道，「猜猜人」認為沒人知道他是想來呃錢的？而又當大家都知道你的橋段時，你也不嘗試增值自己動動腦筋來應對我這些頑皮的接聽者？要騙人，也真請付出多一點點力吧？沒有付出何來收穫呀？