臨近年尾，又係樂壇各大頒獎禮舉行之時，身為Fans好應該戴番個靚耳機，煲熟心水金曲以支持偶像。來自美國的I-MEGO就為大家帶來好選擇，新出嘅THRONE不但採用懷舊咪高峰設計，外形搶到爆，還有黑、白兩款型號，低音同中高音都兼顧得到，難怪連靚女文恩澄都畀Like！

THRONE White Devil $1,299

THRONE Black Angel $1,299

耳罩仿舊式咪高峰造型，明顯向貓王致敬。

頭帶內層是高級反毛皮，冬天戴住保證暖笠笠。

耳墊採用惰性記憶棉及蛋白質皮製造，柔軟而透氣度高，長戴不感壓力。

可調校耳機兩邊長度，大頭仔都啱戴！

附設6.3mm大口徑插口及收音咪，可駁至高階擴音機或當作免提使用。

附送軟袋，方便收納。

慈善特別版 THRONE Cambo $899

仿懷舊咪高峰設計

相比起Monster、SOUL等美國耳機大牌子，I-MEGO對樂迷來說較為陌生，但這間成立只有五年時間的耳機品牌，產品卻廣受明星如吳建豪及韓國跳舞組合Crayon Pop等歡迎，究其原因，肯定是其復古設計。今次這款THRONE，就打正旗號為紀念貓王皮禮士利而製作，兩邊耳罩模仿舊式咪高峰，凹凸相間配以銀色金屬塗裝，外觀醒目且容易識別，無論戴上頭或掛頸都保證盡收注目禮。

黑白兩款音色不同

音色方面，THRONE有黑、白兩色選擇，兩者音色略有不同，以照顧不同樂迷需要。黑色一款叫「Dark Angel」，配備低音喇叭，低頻表現較佳，最啱用來聽K-Pop或R&B。白色一款則叫「White Devil」，特別加強了中高音頻，用來聽New Age或古典樂最為自然悅耳。兩款耳機售價相同，並同樣配備40mm雙膜片單元，比一般用單膜片的耳機更能呈現音樂細節。問到文恩澄最Like邊部分，佢就話係耳墊設計︰「用咗惰性記憶棉，長戴耳仔都好舒服，而且隔音力強，好啱我錄歌用！」惟小記實測，發覺初開箱的THRONE聲音有點鬆散，要煲一輪才能達致最佳音色，買家要注意喇！

SPEC

單元：雙膜片40mm×2　

頻率：20~20,000Hz

靈敏度：102±3dB　

阻抗：32Ω　

線長：1.2m

查詢：3481 8351