InFocus IN810 多制式打通全球

InFocus這個品牌大家或許都沒有印象，但代工大廠富士康就一定聽過。佢哋早前改名「富智康」，最近仲同美國專業影音品牌InFocus合作，推出IN810智能手機，並以打通「五模十頻」作賣點；簡單來講，就是支援全球常用的網絡制式，一機漫遊世界都掂。

$3,688

5吋Full HD 1,080p屏幕係Sharp出品，解像度高，色彩鮮艷。

相機配上1,300萬像素鏡頭和LED補光燈，質素不俗。

機身頂部配上3.5mm耳機插頭。

InFocus IN810具有前置鏡頭，方便自拍及玩Skype。

配上5吋屏幕的機身比iPhone 5s（右）略厚，但仍算輕巧。

安兔兔跑分有23,748分，性能與HTC One相若。

螢幕效果可自行選擇標準或鮮艷。

機背以鋼琴面黑色塑膠製作，較易沾上指紋。

機身採用圓潤的設計，頗有日系機的味道。

試相
雜訊稍多，但色彩表現不俗，拍生活照足可應付。

InFocus IN810主要賣點是對應多個世界常用的頻譜：先講3G制式，此機支援一般WCDMA四頻，換言之香港各大台嘅3G網絡以至內地中國聯通都用到；而內地中移動專用嘅TD-CDMA制式佢都一樣適用，喺內地用3G上網都冇問題。而4G制式方面，IN810既支援香港啱用嘅1,800MHz、2,600MHz頻譜FDD-LTE之外，亦兼容埋內地嘅TD-LTE制式；雖然暫時未有網絡用到，不過日後內地中移動以及部分香港網絡商都會開通相關頻譜，北上只需換張SIM卡就可以用到4G，一機多用！兼容頻譜之廣，已幾乎通行全球，對於經常出外旅遊的用家，不用擔心手機網絡制式對應嘅問題，真係方便得多。

5吋Sharp屏幕

至於InFocus IN810的5吋Full HD 1,080p屏幕也值得一提，佢係Sharp出品，屏幕解像度達443ppi，超過肉眼可辨識的等級，畫面看起來細緻，同時可視角度甚闊，達178°，傾斜依然看得到畫面。至於機身採用圓潤設計，機背以鋼琴面黑色塑膠製作，雖然手感不錯，但略嫌較易沾上指紋。而用家可打開機背換電及加入記憶卡，比不少一體式智能手機來得方便。

四核心效能不俗

硬件方面，IN810使用Qualcomm四核心1.7GHz處理器、有16GB ROM及2GB RAM。小記使用《安兔兔》跑分，其分數為23,748，效能與Galaxy Note 2和HTC One差不多，效能屬中上。相機方面，配備1,300萬像素鏡頭，相片質素也有一定保證，雖然對焦速度不太快，但準確度高，即使是微距拍攝，效果也是相當不錯；加上相片色彩表現不俗，與拍攝現場環境色調相符，不過在低光環境下略嫌雜訊稍多，整體拍攝能力一般，拍普通生活照都可以應付。