回本精選海洋之真味

到酒店狂擦蒲飛，見過不少眩目主題，但身邊親友最關心的，還是回本物–一眾海鮮菜式。最近香港日航酒店的日航咖啡室，就推出以「海鮮大匯演」為題的自助晚餐，反璞歸真，好等食客嘗盡海鮮珍味。

迷你佛跳牆
每位客人均奉送一盅，以鮑魚、花膠、元貝等矜貴食材熬煮的湯底十分鮮甜。

雜錦海鮮拼盤
一眾蟹王蟹后，定會為鱈場蟹腳、登格斯蟹、澳洲加菲蟹、麵包蟹等着迷。

燒美國安格斯牛肉眼扒
嫩滑牛扒在特製的黑椒汁配襯下，肉味更濃郁。

竹笙海王翅
足料製作，啖啖竹笙、魚翅外，尚有蟹肉、帶子、鮮蝦、青口及蜆肉等帶出精華。

紫心番薯南瓜撻
沖繩紅芋遇上清甜的南瓜蓉及鬆脆的餅底，層次感十足。

雜錦法式小圓餅
Macaron乃是甜點新貴，一口一小件，可試盡不同味道。

咖啡室的蒲飛枱，擺放寬敞，多人排隊也不見侷促。

以海鮮做主角，酒店選用的食材自然優質過人，一道雜錦海鮮拼盤，就是注目作，從世界各地揀來高級海鮮，加拿大鱈場蟹腳、美國登格斯蟹、澳洲加菲蟹、法國麵包蟹到新西蘭青口，每晚輪流供應，做法不花巧，卻款款肉質鮮甜味美，吃得出酒店在選材及處理上的嚴謹。

即烹海王翅

冷盤過後，一系列以海鮮烹調的熱葷亦製作認真。位位奉送的迷你佛跳牆，用料至為矜貴，用上鮑魚、花膠、元貝等多種材料，配以鮮雞、雲腿、香菇等佐料燉製而成，製作需時，是蒲飛枱上少見的心機。有心的，還有即煮攤位的竹笙海王翅，貴氣非常，多吃幾碗，在嚴冬分外暖胃。想試真點師傅手勢，可放眼香杧鮮蝦咯嗲、蒸龍脷魚卷伴三文魚慕士配蟹籽、意式吞拿魚配帕爾馬芝士等，變出海鮮入饌的不同可能。