Acer玩Phablet 大芒多工能手

要數近期最矚目嘅Android手機一定非Note 3莫屬，超大個芒夠吸引，不過機價竟突破六千，唔係人人願意付出。Acer就有好選擇，新機Liquid S1同樣備有5.7吋大芒，配埋DTS靚聲喇叭，睇片固然爽；而且仲採用獨家的浮動介面，可以喺任何畫面下隨時以小視窗開啟計算機、地圖等功能，大玩多工作業。最重要係機價三千多元，性價比高！

$3,499 （a）
浮動視窗可以隨時開啟兼唔影響背景運行中的程式，玩多工超方便。

支援雙卡雙待功能，不過SIM卡和記憶卡都要熄機拆電先換到。

機面設有三個輕觸功能鍵，惟不設背光燈，夜晚要摸黑掣喇！

內置5.7吋大芒，屏幕尺寸同Note 3一樣，可是S1尺寸左右邊框就唔夠Slim。

機背用上磨沙處理，而且大玩微弧設計，手感唔錯。

內置《AcerCloud》，用家可以上載影片和相片上雲端。

自家《熱點分享》 Apps，特別在有個QR Code，一掃就會見到Wi-Fi設定詳情。

《HD Channel》幫用家上YouTube搵晒高清影片出來欣賞。

平時可以將浮動視窗關閉或者縮細做一條Bar，唔會阻住畫面。

長按Recent Apps鍵可見小Menu，八個應用程式捷徑仲可以自訂！

採用MTK四核心處理器，效能同初代四核心手機接近。

除四個浮動視窗外，來電時更會自動彈出浮動視窗，打機、睇片都不受影響。

兩部S1只要連接相同Wi-Fi網絡再用《Live Screen》配對，之後畫面上畫乜都會同步顯示於兩機之上，互動又好玩。

$2,099 （b）

$2,280 （c）

Acer電腦產品為人所熟悉，近年於手機界亦好活躍，其招牌Liquid系列反應唔錯。作為Liquid系列新成員，S1就備有Phablet級5.7吋720p IPS大芒，大畫面自然睇得舒服，加上色彩自然冇偏色，睇相、煲劇效果都非常好。難得屏幕達5.7吋之大，但機身只係厚9.6mm，配合微弧磨沙機背，手感不俗，即使手掌唔算大隻嘅小記都可以輕鬆拎實部機。

靚聲四核

上幾代Liquid手機例牌有個靚聲喇叭，S1當然唔例外，照舊備有DTS認證喇叭，播片、聽歌時會自動啟動，用家亦可隨時自行調校高音、低音等EQ，聲音效果的確比其他手機好。可惜機背得一組喇叭，環迴效果冇上幾代咁明顯，音量亦稍嫌不足。雖然喇叭弱咗，不過硬件就有顯著提升，採用1.5GHz四核心處理器，加上1GB RAM，轉頁、玩Apps都好順暢；再加上支援雙卡雙待，北上人士最啱使。

浮動視窗

齋鬥屏幕同規格，S1喺呢個大芒年代實在好難跑出，所以Acer特別於介面上着手。佢預載自家浮動介面，整體操作同一般Android介面相似，特別在長按機面Recent Apps鍵就會即時彈出小Menu，設有八個應用程式的捷徑之餘，仲新增計算機、地圖、相機、記事簿四個浮動視窗功能。話明係浮動，即表示任何畫面下都可用小視窗開啟這四個功能，亦可隨時將小視窗放大、縮細，兼且唔會影響本身運行中的Apps；勁在就算同時開晒四個浮動Apps都唔會窒機，Multi-tasking效果十足PC一樣。