《Pokémon》係遊戲史上最賺錢系列之一，由96年至今收益達近萬億日圓，難怪任天堂不斷研發新作。今年最新力作就係將會在3DS平台上推出的《Pokémon X/Y》。本集主角將會與五名夥伴一齊在新地圖Kalos探險，以及跟小精靈一同在新模式中成長，重本劇情及新增元素肯定可吸引玩家自掏腰包。每代《Pokémon》都有傳說精靈供玩家挑戰，今集精靈就係Xerneas及Yveltal，所以就以此為名！

搬遷軟件方便用家將舊版精靈過戶，唔使再捕捉多次咁麻煩。

本作仍可選男、女主角，也可轉換衣服、頭髮、瞳孔之顏色，相對往時限用藍、紅主色來得豐富。

自《紅/綠》版本後，每代《Pokémon》都有得挑戰傳說精靈，今集名字就係Xerneas及Yveltal。

超夢夢個樣唔同咗，原來係百萬進化以後的新形態。

今次會同步推出藍、金兩色同綑版主機，機面印上傳說精靈圖案。

本作為玩家加入五名夥伴，可以一齊在新地圖Kalos內冒險。

今集終於應玩家需求增設乘騎寵物，以後在大城鎮內跑動就方便快捷得多。

新增全新互動要素，玩家可以用觸控筆捽吓小精靈，以提高好感度。

玩家不妨多用範圍技，喺複數小精靈戰鬥中突圍而出。

搬遷軟件方便用家將舊版精靈過戶，唔使再捕捉多次咁麻煩。

透過「Player Search System」功能就可搜尋附近、以及其他國家的Wi-Fi玩家，連線後即可交換小精靈或進行對戰。

在全新地圖Kalos內，玩家可聯同五名夥伴與敵對組織Flare團爆發連場戰鬥，又可玩踢館較量等傳統劇情；相對過往只有一名宿敵的設計，今集劇情足本，特別有睇頭。

全新戰鬥模式

《Pokémon》系列一大特色就係玩家在地圖上走動時，往往會在草叢內遇上野生小精靈；有玩開的朋友都知道，野生小精靈實力普遍較弱，怎可與玩家悉心培養的手下猛將同日而語？於是今集廠方增設群體戰，令玩家有機會遇到被複數精靈圍困的窘境，要在野外生存真係一啲都唔簡單。另外，本作玩家亦有機會一試空中戰的滋味，在地圖上遇到訓練員時，有機會向玩家提出空中對戰請求；但由於此戰只係為飛行系精靈而設，想玩就一定要多花心思培養佢哋。

超越三段進化

至於新加入的「百萬進化」亦非常夠噱頭，往時精靈最多只有三段進化，今集進化模式就大躍進，精靈在戰鬥時出現的暫時形態，可以發揮比一般進化更加驚人的威力；在此模式下，部分精靈會改變屬性和特質，令身陷險境的玩家戰況逆轉。最吸引係部分人氣極高的舊版精靈好似小火龍、車厘龜等，廠方都有設計其百萬進化形態，由細睇到佢哋大的玩家一定好有親切感。

搬遷軟件登場

不過玩家最想知，點先可以將舊版遊戲入面的精靈搬入新作？任天堂特別增設搬遷軟件，讓玩家可以輕鬆「搬屋」。新增的兩大軟件包括《Pokémon Bank》及《Pokémon Mover》，玩家只要在支援N3DS的較新《Pokémon》版本中，將已捕捉的精靈上載至Mover內，就可以在本作中提取出來，免卻玩家再次捕捉的麻煩，但就要付出代價。上述程式將會在12月25日正式上市，年費￥500，而上市初期將有免費下載優惠，玩家一於把握時機，率先將所有舊版精靈搬家喇！

INFO

類型：RPG

開發：任天堂

平台：Nintendo 3DS

人數：1人

推出日期：10月12日

售價：$349、同綑版主機套裝售價未定

查詢：2782 0978