從前成家人聚埋一齊睇電視就已經係最佳娛樂，不過時移世易，用電腦上網煲劇先係主流，選擇又多，幾時睇都得，早前便不少人上網狂追日劇《半澤直樹》。而大大個芒的All-in-One一體化電腦（AIO）除了啱煲劇睇片之外，阿媽可以拎入廚房睇食譜煮餸、老竇加個鍵盤打文件又得、仔女閒時玩小遊戲上FB亦掂。不單如此，近年AIO設計已好型仔，絕對出得廳堂。

拉低大屏
HP Envy Recline 23 TouchSmart
$12,999（a）

變形三重奏
AIO少不了傳統使用模式，配上鍵盤、滑鼠就可以處理文書工作。

如果想玩小遊戲，可以扭成平板狀態，成家人都可以輕易接觸屏幕。

想拉近部電腦睇清楚啲？此機屏幕可拉得低過桌面，令機身靠近膝部。如此使用觸控屏幕，手腕就可以放在更舒適的位置，長時間用都無咁易攰。

纖薄機身設計流麗，配上銀色邊框外形更加時尚。

設有HDMI In端子，可把手機、平板內的多媒體檔案傳送欣賞，另外用此機大屏打機睇片當然過癮。

前置兩個USB 3.0端子及讀卡槽，外接方便。

開啟My Family Game即會連接上WildTangent平台，內有近千個遊戲可供玩家購買，是Windows市集外另一遊戲下載點。

附送無線滑鼠及鍵盤，處理文書工作夠方便。

買機後想自行升級硬件？Recline 23機背有揭開式小底蓋，打開即可加RAM或換硬碟。

配備無線滑鼠及AccuType鍵盤，玩樂、工作都不成問題。　
售價待定（預計本月底推出）（b）

機背支架較為薄身，方便摺起變身大型平板電腦。

用模擬桿玩RPG遊戲，或者同家人擲電子骰玩富翁都可以「實體操作」，別有一番樂趣。

外觀模仿Samsung Smart TV，難怪熟口熟面。 $15,980（c）

現時並非部部機都內置Blu-ray碟機，家有一部ATIV One 7就可以享盡娛樂功能。

目前大廠推出的Android AIO選擇不多，近期Acer雖然公布了24吋芒DA241HL；惟香港未確定會否引入，睇來Slate 21都仲有排玩。　 $3,380（a）

鍵盤附有Android熱鍵可以極速進入相關程式，明顯專為Android系統重新設計，值得一讚。

機背支架同樣可以壓低及調升成15至70度，方便用家觸控操作。

大屏 HP Envy Recline 23 TouchSmart

近期眾電腦廠商都力谷附有可調節式支架的AIO，強調可配合不同的居室環境擺放；而在芸芸眾機中，就以HP最新推出的Envy Recline 23 TouchSmart最為特別。此機的雙轉軸底座不單可以調校成5至145度，更可將屏幕推到桌邊，拉近膝部使用；即使想拉低放茶几上網、摺起當平板電腦玩遊戲、抑或企起當傳統電腦打字都一樣易如反掌。當然，大家肯定會質疑拉低擺放點夠穩陣，因為一旦翻機要入廠維修就非常心痛；不過，HP就表示已將機身重心設計在底座及屏幕之間，橫擺掂擺都肯定四平八穩，使用上大可安心。

支援硬件升級

雖說轉軸夠方便，但規格唔勁又點可以吸引用家入手？此機不單備有23吋全高清IPS觸控屏幕，更可外接重低音喇叭，再配合內建Beats Audio，聲畫享受一流。此外，其硬件規格亦頗有看頭，用上Intel新一代Haswell Core i7-4770T四核處理器，提速下表現可飆升至3.7GHz，配合16GB記憶體及NVIDIA GeForce GT730A獨顯，閒時想用執相畫圖軟件或者玩大食遊戲都足以應付。此外，機背可打開讓用家自行加RAM或更換硬碟，升級也可DIY呢！而Recline 23又另備有入門版本，轉用Core i5-4570T處理器及8GB記憶體，售價便宜二千元，售$10,999，預算較少的用家可考慮。

SPEC

處理器：Intel Core i7-4770T 四核處理器（2.5GHz）

記憶體：16GB DDR3（8GB×2）

硬碟：1TB HDD

顯示屏：23吋無邊全高清IPS觸控屏幕（1,920×1,080）

顯示卡：NVIDIA GeForce GT730A

作業系統：Windows 8

體積：265.2×559.2×454 cm

重量：12.12 kg

其他推介：遊戲平台 Lenovo Flex 20

Lenovo的Flex 20同樣有機背支架，可因應需要調校成15至70度，變身桌面模式。此機最大賣點莫過於其特有的Aura介面，可讓多位用家於不同位置按動屏幕使用程式；再加上可另購模擬桿、電子骰、打擊柄等遊戲配件，將來玩RPG遊戲就可以用模擬桿左行右行，與屏幕遊戲真正互動。另外，Flex 20電池續航力長達三小時，大時大節招呼親朋戚友上屋企坐，拎部叉足電的Flex 20出嚟就好玩喇！

SPEC

處理器：Intel Core i7四核處理器

記憶體：8GB DDR3

硬碟：500GB HDD/500GB SSHD+8GB SSD

顯示屏：19.5吋HD+ IPS 觸控屏幕（1,600×900）

作業系統：Windows 8

體積：509.3×311.7×20.5 mm

重量：3.5kg

睇埋電視 Samsung ATIV One 7

ATIV One係Samsung的AIO系列，其中ATIV One 7為系列最新型號。此機外形十分討好，纖薄機身配上幼邊框設計及弧形金屬底座，愛美用家一定鍾意。再加上顯示屏支架可調校至傾斜20度，即使搬去唔同環境使用都可迎合用家需要。至於應用方面，ATIV One 7內建TV Tuner可收睇電視頻道，更內置Blu-ray光碟機，可歎頂級靚畫。

SPEC

處理器：Intel Core i7-3770T處理器（2.50GHz）

記憶體：8GB DDR3

硬碟：1TB

光碟機：Blu-ray

圖像處理器：AMD Radeon HD7850M

顯示屏：27吋Full HD LED觸控屏幕（1,920×1,080）

作業系統：Windows 8

體積：650.7×189.7×482.1mm

重量：12.3kg

Android平選 HP Slate 21

Slate 21用上Android平台，放棄貴價Windows系統，售價順理成章地可以下調到$3,380，價格定位夠晒吸引。唔好以為會將貨就價，此機用上最新NVIDIA Tegra Quad-Core T40S四核處理器，處理器內置了72顆NVIDIA GeForce GPU核心，可以順暢解析4K畫面，睇到比1,080p細膩四倍的影像，更加賞心悅目；加上已經內建NVIDIA自家遊戲搜尋系統TegraZone，用家一Click即可搵到適合Tegra 4玩的過百款3D遊戲，非常貼心。

SPEC

處理器：NVIDIA Tegra Quad-Core T40S（1.66GHz）

記憶體：1GB DDR3

快閃記憶：8GB eMMC

顯示屏：21.5吋IPS全高清觸控屏幕（1,920×1,080）

作業系統：Android 4.2.2

體積：530.9×353.9×67 mm

重量：4.85 kg

應用指南 Windows Store

現在新款AIO都採用了Windows 8作業系統，惟Windows 8最為人所詬病就係程式商店搞極都係半桶水，數量比唔上Google Play咁多。話雖如此，其實都有近萬個Apps，但何解用家上Store時，卻只有數十個程式可供選擇及下載？原來Windows系統會自動篩選用家地區的程式，想總覽全部程式，就要在「喜好設定」內將「只顯示使用你偏好語言的應用程式」改為「否」，出番去時，就會發現可檢視的應用程式已經增加不少。

Android AIO利弊

HP Slate 21是用上Android的AIO，價錢確係親民得很，但要注意一些小問題，原來目前Android電腦一般都缺乏陀螺儀及GPS兩大配件，令可用Apps大減，唔少賽車遊戲由於需要擺左擺右控制行車方向，所以無陀螺儀根本玩唔到；至於GPS影響更大，好似《OpenRice》、《MYTV》等香港人常用Apps原來都需要器材支援GPS先可以下載。

查詢：（a）800 938 833、（b）800 938 838、（c）3698 4698