又是《兒童適宜考考你》的時間。每集《兒童適宜》我和陸永都邀請小朋友問我們IQ題，在這裏都提過，大多小朋友的IQ題都慘遭我們秒殺，小朋友一臉無奈惟有讚我們醒、我們勁。但近日有好幾條題目我們都解答不了，最後投降收場！可能是我和陸永都忙於湊仔湊女吧，一時分神，秒殺城牆被攻破！

其中一條題目想分享一下：「小明有個病，但係佢食咩藥都醫唔好，到底小明係咩病呢？」（喂！如果咁聰明知道答案都唔好即刻爆響口咁掃興呀吓！）我和陸永絞盡腦汁：「係厭食症！佢明明厭食你仲係咁要佢食嘢（其實係食藥），咁梗係醫唔好！」「錯！」「佢根本冇病！所以冇一種藥係醫到『冇病』嘅！」「都錯！」結果熬了十分鐘，也猜不出答案來。「有冇貼士啊？」「個答案冇個病字嘅！得一個字！」

後來我們用這題目考另一班小朋友：「貼士！答案得一個字嘅！」有小朋友答了「瘦」，還有個創意答案是 「醜」 ，哈哈，對呀！人醜其實也是冇藥醫的。說到這裏，答案你應該已猜到吧？嗚嗚，可憐的是，那答案好像正在諷刺我和陸永，這麼簡單的IQ題也答不出來，真是人＿冇藥醫喇！（我不想再諷刺自己一次啊，那個字你自己填落去吧！）