大約五年前，我在一個MC人的攤檔買了一件叫「神奇摺衫板」的東西。解說（1）：MC人就是那些在街上擺檔、戴着Headset Mic介紹貨品，例如萬用鋼絲刷，或按摩花灑頭等等，通常他們的咪高峰跟嘴巴靠得很近，形成嚴重爆咪情況，但亦無阻他們那「一輪嘴」形式的說唱產品介紹，心中為之欽敬，他們是真正「就算只係剩番一個觀眾，我都會繼續唱（講）」的典範。解說（2）：神奇摺衫板是一塊能摺成三截的藍色膠板，只需幾個摺疊的動作就可以把衣服─無論是Tee、恤衫、毛衣、長褲、裙子都摺好，而且摺出來的衣物都是同一個Size，疊起來很整齊的模樣。詳細動作很難用文字形容，可以上網Search “Wonderfold”來看看。

我當年買這神奇摺衫板，是因為欣賞那MC人的其中一段對白：「嗱，我哋啲大人衫摺到同一個Size都仲算容易吖，但係如果屋企有BB呀細路呀，啲細路衫咁細件，摺咗又唔同Size，疊起都唔整齊，如果要摺到同大人衫一樣Size，好麻煩，摺得完，屋企個細路都大個咗喇！」我笑鳥～我欣賞MC人在講稿中加入個人風格及幽默元素，並非「唸口簧」，於是買下了神奇摺衫板，果然實用，由我做女用到已為人妻仍繼續。到今年家中BB衫充斥，我終於可以試試MC人所說的「用神奇摺衫板摺BB衫」，可是一用之下，原來BB衫太小，根本用不了神奇摺衫板來摺！噢，五年來，被騙了！