日日運動身體好，Chok住夜跑更風騷！你不知道今年Night Run大熱嗎？不但可以一個人跑，或三五知己一齊跑，甚至可以逾百同好齊齊Get Set Glow。早前Puma HK就與跑步發燒團體SD Runners合作，舉辦了Get Set Glow夜跑比賽，當晚大會精神是「比賽第二，有型第一」，參賽者紛紛在造型上整色整水，恍如穿花蝴蝶般，在理工大學至佐敦一帶花枝招展，展示跑步健康又有型。

是次比賽的參加人數多達140名，大家比賽第二、有型行先，令全場充滿歡欣氣氛。

無論4km或8km，都會途經尖沙咀鐘樓，夜跑至此分外有Feel。

面具加鬼爪的造型，恰似《猛鬼街》Freddy的「從良」版本，搶盡風頭。

出發前不但忙於熱身，還要花心思打扮一番，務求引人注意。

兩位至Glow至Chok獎得主—Ian Mak（右三）和Wu Chun Yiu（右二），得獎後即席戴起由著名設計單位MIRO炮製的面具獎座。

是次比賽設有4km和8km兩個組別，前者由理大出發，跑到尖沙咀鐘樓折返起點；後者的起步和終點相同，但加插了西九海濱長廊和佐敦柯士甸道等路段，在地圖上正好形成一個「8」字，與Puma Mobium Elite的Mobium Band橡筋形狀不謀而合。比賽目的既然以型為先，既有大會化妝師駐場之餘，多位參賽者亦自行在身上「粉飾」一番，螢光、夜光、反光等造型不一而足，令比賽更添嘉年華氣氛。大會除了設有4km和8km的男、女子組冠軍獎項之餘，並且加設兩名「至Glow至Chok」造型特別大獎，得獎者獲贈機票和現金禮券，並獲邀參加本月28日於韓國首爾舉行的The 2013 Puma Night Run比賽；韓國人出名型英帥靚正，兩位得獎者屆時會以甚麼新造型來鬥一番，為香港爭光呢？