非一般Gadgets 新品晒冷

自我冷卻 Docomo N-06E<br>圓角修長，典型日系設計，女仔實鍾意。 $4,480 （a）

自我冷卻 Docomo N-06E
圓角修長，典型日系設計，女仔實鍾意。 $4,480 （a）

昨日立秋，意即秋天已經來臨；原來唔止氣節有轉換，就連科技界都有新面孔。呢期最具話題一定要數日系新作Docomo N-06E，表面上係部普通Android手機，實情係全球首次於手機用上CPU冷卻機能。另一邊廂，新Nexus 7亦大有來頭，有齊四核CPU、Full HD屏幕等超高規格，但售價竟然玩「頂爛市」！嫌未夠大堆頭？未來一、兩個月仲有唔少Gadgets登場，即睇！

自我冷卻 Docomo N-06E
圓角修長，典型日系設計，女仔實鍾意。 $4,480 （a）

採用Qualcomm四核心處理器，Benchmark得分同其他四核機睇齊。

內置三款介面，其中LIFE UX Home最有特色。

內置多款立體聲選項，加上喇叭質素唔錯，聽歌、睇片效果都幾正。

隨機附送嘅充電底座都好靚仔，仲唔使打開防水保護蓋就叉到電。

機身設有多個LED燈，超搶眼！

機背備有1,300萬像素鏡頭，日光下成像相當不俗。

16GB Wi-Fi　$2,680
32GB Wi-Fi　$2,980（b）
黑色面板設計大路，機面依舊冇實體鍵。

最多可以加入八個使用者，同屋企人Share用一部機都得。

Benchmark得分超高，打機、睇片都夠用。

可以限制Apps嘅開放權限，唔驚小朋友亂玩遊戲。

同上代一比（右），今代（左）機身修長啲兼邊框窄啲，整體靚仔咗。

500萬像素鏡頭對焦好快，可惜成像一般。

機背頂、底都設有喇叭，立體聲效果仲出自德國音效公司Fraunhofer嘅手筆。

新Nexus 7（左）唔再玩波點機背紋，取而代之係平面磨沙塑膠物料，同樣好拎唔跣手。

美國上台價199美元
外形設計冇咩特別，4.7吋芒嘅解像度亦只得1,280×720。

機背殼可選配色多到暈，玩味極濃。

內置1,000萬像素Clear Pixel鏡頭，不過未知成像掂唔掂。

美國上台價299.99美元
機面同以往Lumia手機差唔多，不過機背鏡頭組就大得誇張。

Camera Grip有齊快門鍵以及手柄，扣埋落手機真係似足DC仔。

據聞新一代Galaxy Note屏幕會增至6吋，設計相信會同6.3吋嘅Galaxy Mega相似。

iPhone一向只推出黑白兩種配色，如果推出多款配色，相信可以吸引更多年輕用家。

據聞iPhone 5C仍然會採用4吋屏幕，不過未必會係Retina Display。

近期周不時都有手機爆炸嘅意外，據講其中一個原因係手機溫度過熱。唔想部手機經常熱辣辣的話，日系新品N-06E或者啱數，皆因廠商聲稱係全球首部備有「冷卻機能」嘅手機。驟眼睇N-06E確實同一般日系Android手機冇咩分別，原來犀利之處肉眼係睇唔到。廠商表示，處理器旁邊特別加入散熱導管，導管由機底延伸至機頂位置，可以有效將處理器嘅溫度擴散。理論就誇啦啦，即場開遊戲《Monster U：Catch Archie》喪玩十幾分鐘，發現機底仍然會感受到熱力，不過只屬微溫；機身上半部分以至機面都感覺唔到明顯變熱，拎喺手或者擺埋耳邊都唔會「慶合合」，散熱能力確實比一般Smartphone明顯！

和風設計鬥閃

除散熱功能堅，設計都唔輸蝕。一貫圓角設計，配合8.5mm薄切，東瀛風味濃；此機仲特別喺機面底實體鎖屏機鍵兩旁、機面頂及機頂3.5mm耳筒插三個位置加上多色LED燈，每逢來電、提示訊息甚至通話時都會狂閃，勁有特色！規格方面，採用1.7GHz四核心處理器及2GB RAM的旗艦級硬件，又支援IPX5/8防水標準，邊浸泡泡浴邊睇片都唔驚壞機。值得一提，廠商仲預載咗Docomo Palette UI、Docomo Simple UI以及廠商自家嘅LIFE UX Home三款介面，其中自家介面最有新鮮感，喺主頁向右一Drag就會見到LifeWay版面，可以一次過睇晒天氣、日程、通話記錄、相片等多樣資訊，簡潔好用。

SPEC

制式：GSM四頻、UMTS

處理器：1.7GHz四核心

記憶體：2GB RAM、32GB ROM；支援microSD

屏幕：4.7吋（1,280×720解像度）

鏡頭：前置130萬像素、後置1,300萬像素

對外連接：HSDPA、802.11ac、藍芽4.0、microUSB、NFC、IPX5/8防水標準

電池容量：2,300mAh

作業系統：Android 4.2

體積：138×67×8.5mm

重量：136g

平嘢冇好？原來呢個道理喺Gadgets上未必啱用，講緊嘅就係上兩個禮拜先發布、7月30日於美國正式開賣嘅新Nexus 7，幾日前水貨仲已經抵港！此機繼續係由Asus代工，設計未有大突破，不過就大大減磅，厚度由10.5mm縮至8.65mm，重量則由340g減至290g，輕身咗自然好拎啲。最「巴閉」係佢備有7吋IPS屏幕，而且解像度達1,920×1,200，像素密度亦提升至323ppi，顯示色彩以至亮度都比上代高得多，無論網頁文字、圖片都超細緻，7吋平板暫時應該冇對手！

硬件升級筍價依舊

除屏幕升級外，新Nexus 7其他功能亦全面「升呢」；其中處理器就採用1.5GHz Qualcomm四核心型號，配合同步升級嘅2GB RAM以及Adreno 320 GPU，玩大食遊戲都夠撐。系統方面，內置最新版本Android 4.3，基本介面和操作跟Android 4.2分別不大，特別在可以加入最多八個使用者，而且更有「應用程式與內容限制」新功能，可以限制指定Apps的使用權限，就算畀細路仔用都唔驚佢亂玩。

新Nexus 7定價超抵玩，暫時美國開賣嘅16GB以及32GB Wi-Fi版本，分別賣229美元以及269美元；由於係水貨兼貨源短缺，炒貴難免，不過目前兩個版本水貨價都只係售$2,680及$2,980，比其他廠嘅頂級型號平一截，難怪全球科技迷對呢部新機都一致讚好。

SPEC

處理器：1.5GHz Qualcomm四核心

記憶體：2GB RAM；16GB或32GB內存

屏幕：7吋（1,920×1,200解像度）

鏡頭：前置120萬像素、後置500萬像素

對外連接：Wi-Fi、藍芽4.0、microUSB、NFC、無線充電

電池容量：3,950mAh

作業系統：Android 4.3

體積：200×114×8.65mm

重量：290g

其他期待大作

查實近期仲有一系列Gadgets大作蓄勢待發，包括玩DIY配色嘅手機Moto X、內置4,100萬像素鏡頭嘅Lumia 1020等等，好戲在後頭！

Moto X 變色DIY

Google收購咗Mo記後一直都冇咩大動作，上星期終於有消息。4.7吋芒新機Moto X採用Motorola X8 Mobile Computing System處理器系統，規格上驚喜不大；但最正係用家可以喺Moto Maker網站同部手機玩DIY配色，機面、機背殼、按鍵等位置都可以換上不同顏色，玩撞色一流，仲要四日就送上門。據講此機八月尾左右就會喺美國推出，上台價更只需199美元，超抵玩！