Magic! Shake出冰凍沙冰
領有專利及安全認證，Shake得安心，隨時飲到涼透心沙冰。百佳、city'super等超市有售。
炎熱夏天，最怕走在街上，無遮無擋下乾煎，真係會熱爆錶o架！那一刻只想趕回家中，打開雪櫃將冰凍汽水灌入肚，若然有杯沙冰就更消暑。這款由澳洲製造的搖搖沙冰杯，膠質素材不含毒素，並得到全球專利兼安全證書，配以3個神奇冰袋附件，不論果汁、汽水還是甜酒，倒入飲料，搖幾搖即能Shake出冰凍沙冰。
Slushy Magic搖搖沙冰杯 建議價 $138
領有專利及安全認證，Shake得安心，隨時飲到涼透心沙冰。百佳、city'super等超市有售。
套裝有一隻不含BPA（雙酚A，化學物質一詞）的搖搖沙冰杯、3塊特製冰袋、沙冰匙及飲管1支。
放入特製冰袋後，注入飲料，最多倒至刻度位置，因要預留空間來搖呀搖！
搖時記得按住氣孔，否則飲料會搖到飛濺至四周。
搖至杯內飲料不再水汪汪，漸漸結成塊，代表成功在望。
果汁類
西瓜汁
用支裝西瓜汁作測試，雖然標榜純天然，但由於糖分高又夠凍，不用1分鐘就搖成沙冰，果香濃郁，Easy！
易Shake度：4.5★ （5粒★最難）
100%椰子水
近期大熱100%椰子水，室溫下測試，加上天然糖分較低，搖足幾分鐘，搖到氣咳至成事，但都算成功。
易Shake度：1★
有汽類
橙汁汽水
大人細路最愛飲凍冰冰汽水，注入雪凍支裝汽水，嘩！快到呢！3、40秒即成，掂掂掂！
易Shake度：5★
梅酒
罐裝梅酒雪凍飲至涼快，原來做沙冰亦得，不過最好有強勁臂彎來「十卜」，搖到手開始覺得軟就成功在望！
易Shake度：2.5★
提神類
咖啡
選了糖分較高的支裝Caramel Macchiato，搖咗一陣，算幾快手就搞掂，入口出奇地幼滑濃香！
易Shake度：3★
Shake Shake小貼士
飲料種類可以多元化，有汽夠凍又夠甜最快Done。
只要溝得埋，奶加果汁或乳酪、雪糕奶昔都Shake得到。
簡單以清水沖洗即成，特製冰袋存於密實袋放入冰箱可免吸味。
愈甜愈快結冰
這個沙冰杯使用方法簡單，第一次用，先洗乾淨所有配件及冰袋，然後預先將3粒以獨特膠料製成的冰袋置於冰箱雪成冰塊。正式製作時，將特製冰袋放入沙冰杯，再注入個人喜愛的飲料，如已雪凍的果汁、汽水、雞尾酒、咖啡等均可，之後用手指按緊杯蓋頂端氣孔後搖晃，透過雪花結晶科學原理，將冰凍飲料變成沙冰，過程無需加入化學成分或以攪拌機輔助，簡單得很，愈甜或愈多汽的飲料愈快結成冰，至於室溫飲料唔係唔得，但就可能會搖到手軟兼氣咳先至成功。點解我知？因為我都試過囉！
查詢：Playmill 2110 4960
