今次麗華來港，將會「飾演」型仔神宮寺蓮，個Look係唔係好俊俏呢？其實佢係女仔嚟o架！

除咗新書、新Figure、新玩具及新Game，香港動漫電玩節（簡稱動漫節）嘅另一亮點，就係Cosplay大賽喇！今屆主辦當局仲新增「亞太區Cosplay嘉年華」，邀請咗日本、上海、廣州、台灣、印尼及本地嘅九個Cosplayer單位同場演出，堪稱為Cosplay界群英會，當中最受人關注嘅高手，係嚟自日本、堪稱Cosplay之王嘅麗華（Reika）。

今次麗華來港，將會「飾演」型仔神宮寺蓮，個Look係唔係好俊俏呢？其實佢係女仔嚟o架！

早前麗華扮兵長利威爾，唔只個樣跟到足，最厲害係連套立體機動裝置都整埋出嚟，邊夠你玩呀！

除咗日本嘅麗華，內地及台灣亦有高手出席「亞太區Cosplay嘉年華」，內地係飾演「創聖機械天使」嘅淺淺，台灣就係由Neneko團隊化身嘅Idol Master。

Idol Master

麗華呢位「仁兄」演技精湛，為咗Cosplay苦練歌喉、舞功，依家不但成為全職Cosplayer巡迴世界表演（當中已去過中國、泰國及羅馬尼亞等20多個國家），仲喺世界知名嘅Cosplay網站「World Cosplay」之中，長期處於榜首位置，粉絲數目接近二百萬人之多，絕對稱得上係Cosplay界嘅天王巨星。今期《進擊之巨人》熱爆，麗華就食住個勢，啱啱喺日本Cosplay咗當中嘅兵長利威爾，唔只Cool爆表情似到足，就連嗰套軍裝，尤其是「立體機動裝置」都做埋，點到你唔服！今次來港就會扮演《歌之王子殿下真愛2000%》中嘅型仔主角神宮寺蓮。窩心提示，「亞太區Cosplay嘉年華」只演一天，就係今日下午3點到4點半喺大舞台舉行，想親睹呢位Cosplay王者，以及其他Cosplay過江龍有幾厲害，就千祈唔好錯過喇！