《Duolingo-Learn Languages for Free》有趣學習
識幾句地道說話或識睇常用生字，去外國旅行真係方便好多！無時間或冇恒心上堂學語文都唔緊要，呢個《Duolingo》就用有趣輕鬆的方式，幫大家學習西班牙文、法文、德文、葡萄牙文、意大利文同英文，仲有埋升級以及可以向朋友挑戰的「玩法」，加上完全免費，真係唔使考慮，即時下載啦！但係唔知點解應用程式Icon會做得咁似扮「憤怒鳥」的遊戲呢！
《Duolingo-Learn Languages for Free》
可以將Facebook朋友照片匯入作為「攻擊」目標！
角色設計都幾有趣，亦都好有「憤怒鳥」風格。
盡情向地面的人物「發射」吧！
《Cal Your life. Your Calendar.》
《Limbo》
《Tiny Thief》
《IFTTT》
平台：iOS 5.0或以上、Android 2.2或以上
下載費用：免費
《Turd Birds》雀屎攻擊FB朋友
莫非又係一隻抄《Angry Birds》的手機遊戲？其實《Turd Birds》玩法反而似《Temple Run》多啲，即是控制主角在畫面上左右移動避開物件，然後蒐集地面上的食物、寶物，再用「武器」攻擊包括行人、殭屍及UFO等敵人。「武器」係咩？其實就是雀屎，向地下目標不停「發放」吧！最有趣係《Turd Birds》可以連上Facebook，將朋友嘅相片匯入到遊戲，作為其中一個目標，如果把握到機會射中目標，遊戲更會通知佢哋被擊中！遊戲中可蒐集羽毛解鎖新鳥類角色，亦可使用各種道具提升能力。不過最耐人尋味係，點解主角雀仔會有永遠拉不完的屎呢？
平台：iOS 5.0或以上、Android 2.2或以上
下載費用：免費
《Cal Your life. Your Calendar.》包無記漏
人愈大記性就愈差，唔白紙黑字寫低各大小約會的話，真係轉頭就忘記得一乾二淨。好在有呢個特別的日曆App《Cal Your life. Your Calendar.》，佢真係幾幫到手，一來介面設計得好簡單，將約會、朋友生日、周年紀念等資料輸入程式後，應用程式更會連結社交網站、通訊錄及目標位置等資料，依時依候既會提你約會時間，仲會畀你連結登入社交網站同朋友講句：「生日快樂！」
平台：iOS 6.0或以上
下載費用：免費
《Limbo》風格獨特
風格好獨特的《Limbo》之前喺PC以及家用平台都推出過，並大獲好評，差不多個個著名遊戲網站都評佢為滿分。最近《Limbo》更移植到手機平台，玩家在黑白色調世界中控制小男孩冒險，要動腦筋闖過多個機關同陷阱，深入地獄邊緣救妹妹。玩法雖簡單，不過黑白色調世界加上配以簡單音效的寧靜背景都好迷人，難就難在要在唔多起眼的場景尋找觸動機關的線索，都有一定挑戰性。若然未玩過其他平台版本，這$38都絕對抵畀！
平台：iOS 6.0或以上
下載費用：$38
《Tiny Thief》公義賊仔
Rovio係《Angry Birds》嘅開發公司，今年Rovio搞咗個Rovio Stars部門，專門幫其他細廠出遊戲，好似呢隻《Tiny Thief》就係第一款手機遊戲。雖然唔係親生仔，但係《Tiny Thief》都幾有睇頭，玩家在一個貪婪腐敗嘅世界版圖中扮一個賊仔，要用上小聰明，採取聲東擊西方式引開敵人注意，完成目標幫窮人，而所要挑戰的對手更有黑暗武士、流氓海盜甚至巨型機械人！
平台：iOS 5.0或以上、Android 2.3或以上
下載費用：$23（iOS）、$27.9（Android）
《IFTTT》無限可能
每到星期五就會不時見到有人在社交網站寫上「TGIF」留言，筆者搞咗好耐先知原來係解作「Thank God It's Friday」！到底這個App名《IFTTT》又係點解？官方話係「IF This Then That」。即係點？即係可以在手機基於唔同任務條件觸發各種行動，譬如可以透過《IFTTT》下達指令每朝將當日天氣預報以短訊方式傳送。有人誇張地話《IFTTT》改變了互聯網玩法，實情係點，大家試完再畀評語啦！
平台：iOS 6.0或以上
下載費用：免費
