雖然比唔上東京台場嘅1:1高達咁大，但今次嘅1:3 RX-78-2由造型到塗裝都跟足台場版本。

高達大戰紅彗星，由宇宙打到落銅鑼灣嘅消息，早已在網上瘋傳，原來唔只呢兩部1:3嘅珍寶級大模型，仲有為數多達20部、個個有成1.8米高嘅渣古大軍，亦都啱啱踩入時代廣場，聯邦VS自護嘅 「One Year War」 在港再度爆發。

雖然比唔上東京台場嘅1:1高達咁大，但今次嘅1:3 RX-78-2由造型到塗裝都跟足台場版本。

展出嘅紅彗星專用渣古 （MS-06S） ，比例1:3，有成6米高，據主辦單位表示，係有史以來最大部嘅紅彗星模型，由鋼鐵骨架及玻璃纖維外殼組成，有成兩噸重，打風落雨都吹唔冧。

成隊20部量產型渣古 （MS-06） ，就喺露天廣場旁邊列陣，個個有成1.8米高，加埋後面嘅巨裝模型盒，以及似足模型Manual嘅地面裝飾！

白色基地號 （White Base）

HARO隱身其中

呢次喺時代廣場舉行嘅「Gundam Docks at Hong Kong」大型展覽，今日下午三點就會舉行開幕禮，據聞有黃宗澤同吳千語做主禮嘉賓，展覽期就由明日正式開始直到9月1日，時間由朝早10點到夜晚10點。展覽主角當然係1:3嘅高達及紅彗星啦，每個有成6米高，除咗眼位識發光，仲由下午6點至晚上10點，露天廣場會加插特別嘅燈光及聲效，大電視又會每半個鐘頭播一次由Sunrise精心剪輯嘅阿寶決戰馬沙短片（片長約4分半鐘），屆時氣氛肯定High爆，高達迷唔去點掂！

EXHIBITION：白色基地下月登場

消息靈通嘅高達迷，可能都知道今次展覽仲有珍寶級嘅太空母艦—白色基地號 （White Base） 未曝光，事關呢艘有成10米長、有史以來造過最大部嘅白色基地號模型，要等到8月2日先會凌空掛喺時代廣場二樓大堂，同場仲會展出唔少專為今次活動而搜羅嘅高達模型，高達迷記住帶多幾張記憶卡影相喇！

Bonus：HARO隱身其中

今次展覽仲有禮送，如果你以Instragram follow時代廣場 （Instragram ID：hktimessquare） ，又影到喺露天廣場上出現嘅HARO圖案，並且喺8月2日至14日期間到二樓客戶服務部Show到出嚟，就有機會得到限定版高達LED迷你風扇一把，數量有限，送完即止，詳情可到facebook專頁（www.facebook.com/HKTimesSquare）瀏覽。