鑽石陣容打造不哭死神

ACG巡禮Part 1<br>由馬Sir（左）監修、Joseph（右）負責頭雕、塗裝和服飾製作的新版步驚雲1/6 Action Figure，可說是《風雲》完結前留給粉絲的回憶。

ACG巡禮Part 1
由馬Sir（左）監修、Joseph（右）負責頭雕、塗裝和服飾製作的新版步驚雲1/6 Action Figure，可說是《風雲》完結前留給粉絲的回憶。

馬Sir封筆，即成話題新聞，《風雲》將成絕唱，留給粉絲的除了離愁別緒，還有不哭死神的立體英姿。事關由天下、Hot Toys加Joseph Tsang組成的鑽石聯盟，攜手炮製出史上最「原」美的步驚雲1/6 Action Figure，試辦剛剛大功告成，並且定於今屆香港動漫電玩節（簡稱動漫節）中展出及接受預訂；一位是畫壇巨星，一位是Figure界的造型名匠，就同大家睇睇兩者如何發揮「摩訶無量」的威力，在Action Figure舞台起風雲。

ACG巡禮Part 1
由馬Sir（左）監修、Joseph（右）負責頭雕、塗裝和服飾製作的新版步驚雲1/6 Action Figure，可說是《風雲》完結前留給粉絲的回憶。

《風雲》1:6步驚雲（漫畫版）珍藏人偶

《風雲》1:6步驚雲（《風雲》25周年紀念版）

造型採用故事第三部的人設，故此一頭白髮之餘，面上還有一道打斜的疤痕。

出於唯美考慮，雙臂採用包膠設計，由於用上新技術，故此可在包膠表面上色、移印，將麒麟臂實體化起來，不似以往的包膠容易脫色，甚至爆裂。

今次的步驚雲Figure有「漫畫版」和「紀念版」之分，分別在於服飾細節和地台顏色，例如前者採用啡色的前臂護甲，後者就改用紅、黑雙色，兩者均於動漫節接受預訂，留意「漫畫版」只在HT的展位有售，「紀念版」則屬天下展

絕世好劍與劍鞘都有精細雕工和塗裝，據HT表示，前者在正式量產時更會以合金製作。

嘴形大費周章

能夠將興趣化為事業，固然是一大樂事，若然在工作過程中更可與偶像朝夕相對，積極指數勢必爆燈，擔任今次Figure造型師的Joseph便是好例子，他興奮地說：「我同HT嘅CEO Howard，仲有總監阿興，大家細細個都係睇《中華英雄》大嘅，係馬Sir嘅粉絲，最初搵我合作嗰陣，就算覺得有壓力，但都馬上一口應承。之後正式開工，由於大家嘅公司相隔不遠，所以每當我做咗少少修改，就會好心急帶埋試辦上嚟，搵馬Sir過目同畀啲意見，以前製作電影Figure，就冇可能咁頻密同原作者見面、討論，今次合作係好難得、特別嘅經驗，喺我印象之中，勞煩馬Sir監修嘅次數就有廿幾次。」馬Sir笑住咁話：「我好認同HT嘅專業態度，將漫畫人物Figure化的確好難，就算係好細微嘅修改，往往都會花好長時間，好似兩星期前，我覺得只係嘴形差少少，未夠順眼，佢哋竟然認真到剷走成個嘴，重新再做，為咗一個細節都不惜花費大量精神，呢種『做到最好』嘅態度，係今次合作中最令我欣賞、開心嘅地方。」

神態最有難度

《風雲》自1989年開始連載，步驚雲的造型亦變化不少，何以今次選擇漫畫版的後期設定呢？馬Sir表示：「早期嘅人物設定比較簡單，後期就多咗唔少配件，正好切合Action Figure嘅產品特色，正如我欣賞一個Batman Figure時，都會特別留意佢嘅腰帶分件夠唔夠細緻，呢個正係可觀性方面嘅取捨問題。」

對Joseph而言，他以製作Alien和Predator等科幻角色而打響名堂，今次回到古代、「造」番個人，過程會有甚麼困難呢？他認為：「作為馬Sir嘅粉絲，對於佢嘅畫風、角色，其實早就有深刻印象，所以唔存在風格適應嘅問題，反而要將平面嘅漫畫人物實體化，的確有難度，解決方法就係每當想到任何新構思，就將佢雕出嚟，冇特別方法、捷徑，只有不斷嘗試、不停問馬Sir意見。最大難度係面相上嘅神態，步驚雲係一個好有氣勢嘅角色，冷酷、深沉、霸氣集於一身，例如馬Sir對眼部嘅線條、長闊、高低，以至瞳孔位置，仲有嘴形是否繃緊、有力，統統都好在意；另一方面，真人嘅頭、身比例係1:7，但係漫畫人物會拉長啲，我哋喺素體設計都做出相應調節，依家Show得出嚟嘅試辦，已經係第三個版本。」

後記：即使封筆　不棄天下

馬Sir封筆，《風雲》落幕在即，天下會否從此退出港漫舞台？筆者在訪問完結前問馬Sir，他說：「封筆只係我嘅個人取捨、減少工作量而已，始終漫畫係我嘅本業，係我最熟悉嘅工作，亦係我最有信心嘅投資。」況且馬Sir亦曾表示，日後將會隨心所欲推出短篇作品，對馬Sir本人和粉絲而言，未嘗不是一個好改變。在此祝願《風雲》能夠圓滿結局、馬Sir得享清閒之餘，也期待天下有新主筆、新故事湧現，造福港漫界。