進擊！Thomas & Friends水上樂園

Thomas & Friends小船河道<br>大型吹氣的小船河道，全長12米，小朋友可以坐上船仔自行絞動滑輪前進，水深不過0.3米，玩得安全又開心！

Thomas & Friends小船河道
大型吹氣的小船河道，全長12米，小朋友可以坐上船仔自行絞動滑輪前進，水深不過0.3米，玩得安全又開心！

小豆丁放暑假，今年是搭飛機、還是坐郵輪環遊世界？吓？爸媽竟然說要留港過盛夏?!原來屯門黃金海岸有大熱的「Thomas & Friends」樂園，挑戰小朋友的精力，包括商場搶拍獨家展覽和最大型3D幻視藝術畫，及於酒店狂玩小船河和滑水梯，加埋入住Thomas主題房，兩日一夜火車之旅，恍如走入卡通中的索多島，小豆丁一定玩到唔願走！

Thomas & Friends小船河道
大型吹氣的小船河道，全長12米，小朋友可以坐上船仔自行絞動滑輪前進，水深不過0.3米，玩得安全又開心！

眼明手快水戰場
呢度當然係以射濕對方為目標，場內有多個大型的吹氣防撞立方體，工作人員仲會埋伏其中，陪你一齊濕身！

繽紛滑水梯
要數最刺激的非此莫屬，呢個高５米的滑水梯，小模特兒當日一口氣連滑六次先肯走呢！

連浴室和小吧台都找到Thomas & Friends的蹤迹，你數到全房有多少架小火車嗎？

每戶入住的住客都獲贈Thomas & Friends獨家禮品包，孭住周圍走就最過癮！

Thomas主題房的布置一絲不苟，上至床單、枕頭、窗簾；下至水杯、鬧鐘、地氈全有Thomas身影，猶如去了一趟火車旅行！

以「Thomas & Friends」索多島為主題場景的環球合金小火車展覽設於商場一樓，將會有超過100架Trackmaster及Take & Play系列的「Thomas & Friends」軌道貫穿全島，你睇小朋友見到幾興奮！

全港限量100架之非賣品特別版銀色Thomas（左三），還有三架本港尚未推出的全新小火車Stephen The Original Steamie（左一）、Millie（左二）及Connor（右）。

場內的「小火車奇趣樂園」，跟Thomas合照是指定動作吧！

連平日甚少曝光、個子高大的綠色起重架Cranky今次都有嚟到火車樂園啊！

商場請來香港插畫師協會會長黃俊飛，利用牆角的特點打造長46呎的3D幻視藝術畫，小朋友快啲跳入嚟拯救脫軌的小火車啦！

Day1：至激！三大「水動樂」

火車跌落水點算？咪同Thomas一齊玩船仔囉！酒店特意於暑假期間把戶外網球場改裝成「夏日『游』樂區」，設有三大吹氣水玩設施恭候大駕，小豆丁記緊換定泳衣，準備濕身玩餐飽喇！

限定！獨家主題房

難得前來Thomas & Friends樂園，又點可以唔住暑假限定的獨家主題房呢？由即日至8月31日，參加黃金海岸酒店的「智趣滿Fun家庭住宿計劃」（每晚$1,498起），即可暢玩「夏日『游』樂區」的戶外水上活動、參與「木頭火車製作坊」、暢玩「Thomas & Friends智趣室」及觀賞Thomas & Friends卡通頻道等；另加$600即升級入住主題套房，讓一家大細盡情投入Thomas的懷抱當中！

Day2：注意！商場尋找湯馬仕

第一日小豆丁玩到失控瘋狂，次日吃過早餐後心情平靜一點，來到黃金海岸商場跟一班湯馬仕朋友拍照都夠消磨整個下午，必選熱點夠晒多，包括環球合金小火車展覽，率先觀摩未曾於香港展出及出售之合金小火車；進入最大型Thomas & Friends 3D幻視藝術畫，讓小朋友經歷一場火車歷險記；360度環繞立體布置「小火車奇趣樂園」，跟一眾湯馬仕朋友打聲招呼！