顧家之男阿Bob愛Elgrand

Elgrand

除了電台DJ和電視節目主持，「阿Bob」林盛斌還有一個身份，就是爸爸級車迷，所以在選擇座駕方面，特別鍾情最適合family day出巡的七人車，尤其是豪華型號，既可照顧一家大細，又可出席大場面。今次便邀請阿Bob試坐日產（Nissan）Elgrand 250 Highway Star AVM，慳油、有型又夠grand，出席function都不會失禮，而且夠位載埋外父、外母逛街食飯呢！

Elgrand

Bob︰「呢部車嘅綜合耗油量只係10.8km/L，比我揸緊嗰部仲要慳油，我鍾意！」

安坐中排座椅的阿Bob，戴上隨車配備的紅外線耳筒，手持遙控，透過中排頂置的11"彩色顯示屏享受影音娛樂。

後排座椅備有電摺功能，按鍵即可，擴充後的置物空間，大到連阿Bob都容納得到。

中排設有兩張獨立大班椅，還有一體式無縫座墊設計，既可作多角度調校，加上小腿承托軟墊，舒適度無與倫比。

透過AVM環視影像系統，將車身周圍的鳥瞰圖像傳送到中控台的7"屏幕上，車外一覽無遺。

2.5L直四引擎設有CVTC，馬力充沛，而且耗油量低。

中控台布局簡約，即使初次接觸Elgrand的駕駛者都可快快上手。

車頂設有雙天窗，無論置身哪個座位，都可享開揚景致。

已為人父的阿Bob，原來一有時間便會充當「柴可夫」，駕駛自己的上一代Elgrand，接載家中兩位小公主——五歲的霏霏和一歲半的熹熹周圍去。因為車窗夠大，兩位乖女就最愛在遊車河途中欣賞沿途風光，尤其是姐姐霏霏，每當看到好奇的事物，便會打爛沙盤問到篤，阿Bob笑言每段車程，不論長短都變成親子時間。他坦承近年來工作忙了，親子時間自然減少了，因此希望在今個暑假能與家人驅車到西貢暢泳一番：「七人車嘅車廂又大又闊，拉埋窗簾，畀太太同埋兩個女喺車廂換泳衣都冇問題；玩到攰打道回府，又可以放平啲櫈畀乖女瞓覺。」

得體造型　出得大場面

除了為家人着想，阿Bob喜歡Elgrand，也有個人原因：「佢嘅外形以至內籠布局，都同車名一樣咁grand，平時可以當做保母車，就算出席公開或者私人活動，亦都好啱用。尤其是今代Elgrand車身咁大，但係睇位出奇咁易，加埋泊車Sensor又精準，泊車真係冇難度。」除此之外，阿Bob坦言自家的上一代Elgrand頗為「大食」，耗油量比一般私家車多，油費平均$3/km，不夠划算；當他知道新Elgrand 250 Highway Star AVM的綜合耗油量只有10.8km/L（JC08），以目前油價計算，油費只有$1.6/km時，就即有了想換車的衝動。

全方位鏡頭　泊車魔法

面對車身長、闊、高分別達至4,915mm、1,850mm和1,815mm，而且車重達1,975kg的Elgrand 250，的確會擔心其2.5L直四引擎會否力不從心？阿Bob起初也有懷疑，但他試車後就疑慮全消：「起步好爽，完全冇拖泥帶水喎！」事關引擎配備了CVTC，最大馬力和峰值扭力輸出分別達至170ps/5,600rpm和25kgm/3,900rpm，配合車廠的XTRONIC CVT M-6電子智能無段變速波箱，力量充沛而且隨傳隨到。

除此之外，車上的AVM環視顯像系統也為阿Bob帶來驚喜，此系統透過四個分別安裝於車頭、左右側鏡和車尾的超廣角鏡頭，以其拍攝下來的畫面，即時合組成一個猶如天眼般的鳥瞰車體全景模擬影像，透過7"多功能彩色屏幕展現出來，大大消除泊車時的盲點區，阿Bob對此笑言：「有機會嘅話，不如下次用布遮晒全車玻璃，然後搵埋老婆同女女企埋一邊做觀眾，見識呢種泊車魔法。」