又冷又暖

近期多個時裝品牌已陸續推出F/W預展，唔熟悉呢行嘅朋友，聽到都可能打個突，心諗：吓？夏天衫都未買齊，咁快又秋裝？無辦法，呢行就係行快人好多。而上星期，走咗去睇Marc Jacobs嘅秋冬女裝系列預展，喺氣溫30℃下，上到去見到好多Fur同閃片，雖然有一下子覺得好熱，不過，女人一望到靚衫，會連阿媽姓乜都唔記得，我只留意到今季用咗40年代剪裁好優雅，其中取材自睡衣設計的服飾，添上閃片之後，效果好出眾，感覺舒適之餘又有華麗感覺，突然間，我就諗秋天可以快啲嚟嗎？