Kidult木頭車

依家啲細路真係多嘢玩，最近又有個汽車模型新品牌AUTOMOBLOX登陸香港。設計師堅持用原木製作，所以車身主體以櫸木為原材料，線條簡單，仲有一種返璞歸真嘅感覺。車身大部分部件均可拆除，畀細路發揮想像力，自由創作不同組合。品牌不但符合外國相關的安全指引，仲獲得多個外國玩具獎項添！雖然話係設計畀豆丁嘅玩具，但我覺得亦好啱愛車嘅Kidult囉！你諗吓喇：Office生活咁悶，擺架車仔調劑吓幾好？而且仲可以日日幫佢換新Look，真車點畀你咁玩喎，係咪？