《3國小豬成語王》考你成語
「3國小豬」遊戲系列嘅新作，今次就輪到成語做主題。玩家要喺限時內看圖估成語，每關共有五個成語畀你估；而且每估一個成語之前都有時間畀你諗吓，如估唔到仲可以撳埋提示，所以都唔算好難！益智在每玩完一關都會有每個成語嘅解說，大人、細路都啱玩。
玩完仲可以睇埋解說，好益智o架！
仍然係招牌豬仔做主角，卡通都畫得幾得意。
每句都有齊解釋，仲可以重複播放邊聽邊學。
常用類別基本有齊，去旅行夠實用！
唔夠對手勁的話，可以幫戰機升級引掣、炮彈等裝備。
畫面幾細緻，操作亦相當靈活。
唔識仲可以問Facebook朋友，集思廣益！
雖然係用卡通表達，不過其實整得好似，一睇就估到。
要就啱角度救火之餘，亦要留意畫面右下角剩番幾多水，千祈唔好亂淋。
暫時有72關，夠你慢慢玩。
有超過275個動作，免費App嚟講都算足料。
有真人圖片示範，同時有英文旁述，咁就唔怕做錯動作。
下載費用：免費
平台：iOS 5.0
《Phrasebook》速成外語
又到七、八月外遊高峰期，人在外地最怕就係語言不通，如果有《Phrasebook》呢隻App傍身就冇有怕。此App提供英、西、德、法、意、日、韓七國語言，每種語言都分成常用、問候、飲食、購物等幾個類別，按入去就有晒簡單句子以及句子讀音。想速成學番幾句外語都得，皆因每句句子都設有錄音及重播功能，即時就可以聽番自己讀音啱唔啱。
下載費用：免費
平台：iOS 5.0、Android 2.2
《MetalStorm: Aces》戰機互揪
係第一身射擊飛機遊戲，玩嘅時候只要將部iPhone左郁右郁嚟控制戰機上下左右移動，而Drag左右就會轉身閃避，加上可以發射霰彈及炮彈，感覺都幾逼真。另外遊戲共有三個模式，其中「VS」就最刺激，電腦會隨機上網幫你搵對手，跟住就可以開始追逐互揪；嫌架戰機唔夠勁，當然亦都可以換機或升級，耐玩度十足。
下載費用：免費
平台：iOS 5.0
《What's that movie?》看圖估戲
自問係電影迷必裝！《What's that movie?》每關都會顯示一幅卡通圖片，玩家就要估幅圖所代表嘅電影，好似《阿凡達》、《E.T.》、《恐懼鬥室》等電影大作基本上一睇就估到，玩法簡單。就算真係唔識，都可以用Coins買提示，甚至喺Facebook問朋友。
下載費用：免費
平台：iOS 4.3
《Sprinkle: Water splashing fire fighting fun!》智撲大火
屬《Angry Birds》類嘅物理遊戲，玩家需要控制起重機上面嘅高壓水槍，考大家點樣調校水槍高度同角度去淋熄每關嘅火種。難就難在火種唔單止位置刁鑽，又有噴水量限制，加上幾乎每關都有石頭、齒輪等障礙物阻住，不時都要絞盡腦汁。
下載費用：免費
平台：iOS 4.3、Android 2.3
《Yogify》自學瑜伽
唔少人士近年都話要學瑜伽強身健體。冇時間去報班上堂的話，此App可以幫到你。《Yogify》除了備有超過275個瑜伽動作之外，更內置一整套分成不同難度的練習，只要跟住圖片及語音指示進行就得；加上設有倒數時間，簡直似足上緊一個瑜伽班，好易上手。
下載費用：免費
平台：iOS 6.0
