小記向來鍾情花碌碌嘅襪，橫間、波點、菱格都無所不歡；話就話着上腳冇咩人會見到，不過總好過次次都係淨色咁單調。早前友人遊日，就特意為小記搜購咗幾對運動品牌Outdoor嘅短襪仔；最正就係Pattern超特別，竟然連美國旗、斑馬紋、網格紋都有，夏天襯Low Cut波鞋就夠晒趣致！話分兩頭，其實市面上都有唔少呢類一Pack幾對嘅襪發售，但次次特別靚嘅款式都硬係夾雜啲核突到嘔嘅款，出奇地呢一Pack「o架仔貨」入面五對襪都相當正常，算值回票價！
