多得Longines邀請，今年可以再到巴黎採訪由品牌贊助的Roland Garros法國網球公開賽同Future Tennis Aces，更有幸觀看男子組決賽。雖然我唔識打網球，但由細到大都好鍾意睇網球賽事，近年更係費達拿Fans，可惜佢又唔爭氣，繼舊年一役後，今次又入唔到決賽，令我無緣喺現場欣賞佢打波。可能Men's Final係最矚目賽事，到場觀戰的貴人特別多，今年決賽依舊招風雨，但不幸中之大幸係天公總算作美，只係斷續落住細雨，決賽可以即日完成，唔使好似上年咁，又凍又大雨兼要腰斬賽事，等第二日再比賽！