惡搞電影始祖

雖然惡搞這詞語在近年才興起，並在網絡界開花結果，但香港觀眾對惡搞文化從來都不陌生，當年睇盧海鵬與廖偉雄化身「撻成一塊」高唱《壽頭記》就無疑是惡搞界經典。至於荷里活惡搞電影的經典，則不可不提1991年面世、最近出番藍光碟的《反斗神鷹》（Hot Shots）。封面男主角一身空軍Look，就知道是拿《Top Gun》來開玩笑，其他被「搞」的電影還有《與狼共舞》、《洛奇》、《亂世佳人》等等，如果你在八、九十年代是忠實戲迷的話，肯定睇到笑爆肚皮，最驚喜的是連戇豆先生Rowan Atkinson都有份客串！雖然已是廿多年前的電影，但現在睇番依然好笑，可見惡搞是不怕歲月洗禮的。