英國好聲音

我認我好Out，今時今日先買番兩年前嘅專輯，更唔好同人講我成日揸車聽歌，若果唔係做Gym時無意中聽到《Rolling in the Deep》，根本連Adele呢個名都未聽過。好了，聲音在耳機徘徊了兩天，終於忍唔住買碟，幸好呢隻《21》當年擁有極高銷量，事隔兩年後觀塘某唱片店依然尚有存貨剩。放入車內音響一聽，不得了，在密封空間內聽其嗓音直頭好似聽Live一樣，每一個音都好Soul、好悅耳、好撕心裂肺，怪不得樂評人形容她的聲音只應天上有！不要忘記唱片發行時她只有23歲，某些唱了十年歌依然走音的香港女歌手，慚愧嗎？