集體回憶

自問沒有專業攝影技術的我,最愛玩即影即有,有時搵埋三五知己,又或者去旅行影影風景,影出來的相片偶爾都可以扮扮大師級作品,夠晒過癮。玩開面書的你,最近可有留意各方好友經常上載黑白即影即有相?上周,小妹同幾位朋友在旺角飯聚後,一心打算幫襯旺角行人專用區即影即有的始祖攤檔「Instant20」,豈料不見主理人Michael,友人又急着回家,只好選擇了人龍較少的攤檔。一張即影即有要20蚊,值唔值就見仁見智,但諗落有咩機會喺大街大巷影相?說不定這會成為我們日後的集體回憶!

集體回憶

Carol Reporter