FENDI Selleria工作坊

一直都好想參加一些皮具製作班，見朋友話辛苦幾粒鐘就可以親手整到個銀包、散銀包咁，都心郁郁，但因為懶一直無「的」起心肝去報名，所以多年來皮革小物確係擁有唔少，但無一樣係出自自己手。早前獲FENDI公關V小姐告知品牌配合全新Selleria系列（人手製作的手袋系列）推出，特別於廣東道店內大搞Selleria工作坊，邀請品牌皮革工匠即場教導製作皮革小物。首次接觸手造皮具的小弟，用了約個半小時，成功將一大兩細皮革定位、打孔及縫合，而燙字呢啲「粗重嘢」當然由靚仔有型的導師操刀穩陣！在此多謝V小姐帶來如此難忘經驗，而我終於擁有一個由自己親手製作的卡片套了。