貓咪的玩意

好多養貓人士最近都忙住玩「人臉貓鬍鬚」，唔知大家有冇成功呢？看到有本書《貓奴必懂的100個喵喵秘密》，亦有不少搞鬼嘅貓咪遊戲。作者Sayo Koizumi係個貓癡，養貓超過20年，家中養有2隻可愛嘅貓咪。書中介紹好多貓咪可愛習性、特殊怪癖、飼養注意事項等，仲推介咗幾種貓咪遊戲，好似「變臉遊戲」。作者每次幫貓咪按摩臉部後，當貓咪最舒適放鬆嘅時候，佢就利用雙手緊緊地把貓咪嘅臉往前擠，變成一張滿是皺紋嘅大叔臉；之後再一口氣把揪成一團嘅臉兒往兩側拉，就變成外星人臉。另一款「食手指遊戲」，就是作者趁貓咪閉上眼睛打呵欠時，把手指伸進其嘴裏。事後當貓咪察覺主人這舉動後，一臉無奈，卻令作者樂此不疲。