積達小隊大細孖住上
「Watts，你嘅Jesta Cannon負責中距離射擊掩護，我同Daril嘅Jesta先突擊敵方艦隊中樞！」
積達小隊大細孖住上
連接背包與盾牌之間的伸縮臂，內有四組關節，令盾牌可作多方向移位。
MG 1/100 RGM-96X Jesta建議零售價：¥4,000
左前臂內藏Beam Saber，鬆開鎖扣就可以拔劍。
膝頭設有延伸關節，往下拉就可以增加屈腿幅度。
Jesta Cannon嘅背包追加咗遠程武器，加上深沉嘅機身顏色，不禁令人聯想到《0083》嘅RGM-83 GM Gun Cannon II。
Beam Rifle連榴彈發射器嘅尾部彈匣，設有兩種裝嵌方式，重現上彈狀態。
HGUC 1/144 RGM-96X Jesta Cannon 建議零售價：¥2,000
《Gundam UC》中嘅大部分機種都已經MG化，相信Jesta Cannon亦指日可待，不過大家最希望由HGUC升呢做MG嘅MS，始終都係NZ-666 Kshatriya，圖中為HGUC版本。
「收到，Nigel隊長，預祝武運昌隆！」
响《Gundam UC》入面，唔只獨角獸同新安洲等主角機體表現活躍，仲有唔少王牌機師英勇奮戰，好似聯邦軍嘅隆巴納隊，就有專責特種作戰嘅「隆巴納三連星」小隊，由兩部積達（Jesta）加一部積達加農炮型（Jesta Cannon）組成，支援獨角獸高達。Bandai早前就推出咗相關模型，雖然設定上Jesta與Jesta Cannon都有重甲上身，不過模型版本依然有唔錯嘅可動性，活現王牌部隊嘅英姿。
MG Jesta 手腳靈活
首先講講MG 1/100 Jesta，機設源自《馬沙之反擊》嘅聯邦量產機積根（RGM-89 Jegan），由於要執行潛行或突擊等特種任務，故此機身用上沉色作掩護，整體裝甲明顯厚過積根，尤其是肩甲及膝甲，模型化之後會否影響活動幅度？MG版本就喺呢兩處加入拉出式關節，前者方便雙手持槍；後者就提供額外嘅屈腿幅度。武裝方面，由於Jesta屬於基本形態，所以武器都偏向埋身戰類別，包括左前臂內藏Beam Saber，鬆開鎖扣就可以拔劍，另外腰間兩側各有三枚Hand Grenade；最常用係速射型Beam Rifle，右前臂仲有後備彈匣。另外，Jesta有一項獨有特徵，就係背包與盾牌嘅相連設計，MG版就以伸縮臂將兩者連接起嚟，臂上設有四組關節，可以收喺身後，又可以向前拉出，變成手持狀態，盾牌表面亦有四門榴彈發射器，採用分件式處理，組裝或塗裝都方便得多。
HGUC Jesta Cannon 重炮上身
至於由Jesta衍生出嚟嘅Jesta Cannon，比例較細，係1/144嘅HGUC版本，精密度當然唔及MG。同Jesta相比，Jesta Cannon喺肩膀、胸甲、手腕及膝甲等處都追加咗淺灰色裝甲，藉此增加防禦能力。武裝方面大幅強化遠程炮擊能力，背包右邊多咗一支可以連續發射嘅大口徑Beam Cannon，左邊就有實彈武器四連裝Quadruple Launcher，連手持武器都改為Beam Rifle連榴彈發射器，恍如一部移動炮台；HGUC就將以上武裝統統做到足，隨盒亦都跟埋Jesta嘅Beam Rifle及背盾，高手改裝時大可作為改件之用。
查詢：2433 1828（瑞華行）
