LINE 台柱角色 主題任玩
LINE三大台柱兔兔（Cony）、熊大（Brown）同饅頭人（Moon）Fans眾多，相信好多人之前都瘋狂去便利店買嘢換印花，然後換購角色掛飾。除咗有實物公仔之外，LINE最新就出咗個3.7.0更新，首增角色主題介面，一開手機個LINE就可見到角色彈出嚟，超可愛！兔兔主題已經打頭陣上場，熊大就會喺本月稍後時間登場，大家記得密切期待！
LINE 台柱角色 主題任玩
新3.7.0版本官方帳號由純聊天室升級成可讓用家分享帳號內容，以及直接開啟瀏覽器瀏覽內容。
熊大主題將會在本月內啟動，棕色背景設計較中性。
粉紅兔兔主題經已隨 3.7.0版推出，無論在聊天室、朋友清單以至密碼設定上都會見到兔兔的可愛樣！
始源雖未有個人官方帳號，但可經Super Junior官方帳號得知始源及隊友的最新消息；全球亦已有逾55萬位LINE用家加入Super Junior官方帳號。
《LINE Jelly》玩法超簡單，只要點選三塊同色或以上的顏色方塊即可清除，如同色方塊愈多就能得到更高分數。
《LINE Ninja Strikers》要控制忍者避開障礙物及敵人，再一路拯救同伴，以鬥走得遠為目標。
《LINE I Love Coffee》要各位在手機上跟LINE好友一起合力開設咖啡店，今次還對應了中文顯示，玩得更親切。
雖然鍾意熊大跟詹姆士，但始源扮起饅頭人都似模似樣！
3.7.0版功能大升級
上星期LINE就公布咗個新Update 3.7.0版本，新增功能都有唔少，其中最出位當然係角色主題介面，係行個人化的第一步。Android版首先推出更新，官方話iOS平台會稍遲一步，但到截稿為止仍然未見蹤影。最先登場是兔兔（Cony）主題，選用後LINE介面將會變成可愛粉紅色。如嫌太女性化，LINE亦已公布六月內會推出熊大（Brown）主題，正式公布後就可即時換上。除個人化主題介面之外，是次也加強了網絡安全，可以避免接收垃圾訊息或不明來歷的對話邀請；另外官方帳號也由純聊天室，升級成可讓用家更輕易地瀏覽及分享帳號內容，隨時都可以將偶像的訊息同朋友分享。
始源最Like熊大
講到偶像，當然唔少得要講幫LINE拍香港電視廣告嘅始源，原來始源話佢本身都有用LINE同朋友跟Fans聯絡。始源表示：「平時工作好忙，未必有時間同朋友見面，用LINE跟朋友通訊是唯一亦係最好方法。我亦會用LINE官方帳號跟Fans通訊，雖然我無個人官方帳號，但大家都可以透過Super Junior官方帳號留言，有時間我都會睇；而且只要大家在LINE帳號見到『On-Air』狀態，就有機會同我哋實時通訊！」
今次LINE 3.7.0版本首先加入兔兔主題介面，不過始源最鍾意的角色其實係即將登場做主題介面主角的熊大，其次就係詹姆士（James），「有朋友話佢幾似我喎！哈哈！」始源仲話據佢所知，不少K-pop藝人都有用LINE，而Super Junior隊員間更有試過用《LINE Jelly》比賽，當然是始源取得最高分數，仲贏得LINE貼圖呢！
LINE新Game有排玩
除了大受歡迎的《LINE Pop》、《LINE Bubble》以及《LINE Play》外，LINE差不多每隔一、兩星期就會推出新遊戲，真係玩到唔停手。近期新作就有《LINE Jelly》，其玩法簡單，只要點選三塊同色以上的顏色方塊即可清除畫面方塊，當然是清除得愈多愈高分；另外還有《LINE I Love Coffee》同《LINE Ninja Strikers》兩款唔同類型遊戲，相信總有一款啱大家口味！
