林盛斌 Bob

身兼多職的阿Bob，從當電台節目主持開始，已經是大家心目中的開心果。他詼諧鬼馬的性格，亦令他在演藝圈嶄露頭角，接劇接Show冇停手，早前被老友李思捷「惡搞」，卻因表現淡定而獲好評，人氣有升冇減。

林盛斌 Bob

阿Bob現時除了在電台發聲，主持《開心家天下》之外，亦繼續在電視和電影圈兩邊走。現時他正努力拍攝一套古裝電視劇《食為奴》，再次跟王祖藍和萬綺雯合作。

阿Bob笑言：「第一次拍古裝劇，要戴上清朝的假髮辮子，感覺很新鮮。由於今次飾演皇帝身邊的御廚，要懂得不同的廚技，如刀法、翻鑊等，特意找師傅拜師學廚，希望演繹得更逼真！加上今次會同王祖藍有好多對手戲，鬥演技我未夠班，但可以鬥吓搞笑。」阿Bob亦表示多謝監製的賞識，令他的劇一部接一部，更有機會跟黃子華和徐子珊合作，令他大呼「Amazing」，因為自己細細個睇黃子華，到今日可以當面「偷師」，實在很開心。

除了活躍於電視上，阿Bob亦不時客串電影，剛剛完成了葉念琛執導的《溝女不離三兄弟》。「戲中的我雖然是一名黑社會大哥，但在肚皮上紋上膠鴨，造型真的太搞笑，大家記得入戲院支持同留意。」他笑言這陣子工作太忙，未有機會到尖沙咀睇膠鴨，惟有藉此機會與鴨親近。

林盛斌 Bob

現為新城知訊台節目主持，曾主持《新香蕉俱樂部》，除電台工作外，亦拍廣告、唱歌、做活動司儀，近年積極進軍電視和電影界，因拍攝電視劇《老表，你好嘢！》而成功入屋。