《Tokyo Graffiti》抵睇

雖然我嘅日文水平好有限，但以前去親日本都會買好多雜誌，睇吓人哋雜誌嘅排版同埋做事幾有心機，咁就乜都抵番晒。不過早前日圓紙水升到九算甚至十算時，就戒買了，唯獨《Tokyo Graffiti》月刊係例外，呢本雜誌主打Snapshot，文字唔多，都係簡單問題同簡單答案，估估吓都明到六、七成。雖然雜誌主力係走年輕人路線，好多時都用戀愛做故事題材，不過入面有幾Part都幾正，啱唔同階層嘅人睇，好似玩「當年vs今日」重拍嘅「Time Slip」，講出一個長者一生經歷嘅「人生履歷」，又有講社會問題，問唔同階層日本人以及外國人嘅睇法，咁豐富只售¥480，以日本雜誌嚟講都幾抵睇！