重口味空姐

男人的浪漫，並非豆腐火腩飯；係願賭服輸，肯反串做空姐派飯！維珍老闆Sir Richard Branson雖然無《Ironman》嘅Robert Downey Jr咁靚仔，但有錢、有腦、有創意，最重要是有口齒，2010年F1賽輸給Air Asia老闆Tony Fernandes後，承諾反串做空姐，3年後終於兌現。記得N年前的一次新聞發布會中，有幸近距離見過Richard真身，感受過李察的非凡魅力，雖然年紀屬Uncle級，但他所到之處，總有空姐飛撲上前翹手合照，魅力媲美荷里活巨星。Richard最喜歡人做佢偏唔做，當時位位航空公司巨頭打晒呔現身，佢唔打之餘仲要3粒恤衫鈕無扣晒胸毛，甫上台說話未開聲，台下觀眾即時醒晒，然後爵士講乜都引來哄堂大笑。這位星味十足的CEO，近期反串空姐的照片曝光，金髮配紅唇、黑絲配紅鞋，此等易服組合尚可接受；但再望向他的招牌鬍鬚，真係重口味到噴飯！