Gundam Origin後追貴四舊

買玩具最怕後追捱貴價，但係筆者遇上心儀玩具，往往都會「左度右度」先至郁手，最終平貨買唔到，惟有高追圓夢。話說前年合金高達系列「Metal Composite」推出安彥良和漫畫《Gundam The Origin》版本的RX-78-02，此高達一反固有造型常態，例如倒轉揸盾、膊頭有炮、膝蓋有推進噴嘴等，仲要全金屬骨架，足料㩒扭，賣$1,100都依然屬相當抵玩之列。原本筆者打算等模型版本推出先入手，點知一等便兩年，最近終於按捺不住，於拍賣網以$1,500購入，只能跟自己講一句，有買貴，冇買錯！