抵玩旅行團

選舉也可以是主題旅遊，行程內容保證充實，景點特多。單是把旅巴停在問題票站外已夠好睇啦，敵對兩黨支持者拳來腳往，即係免費睇散打王；旅行社亦不用煩惱團餐啦，因黨派在街邊光明正大請食飯，唔使Book位，歡迎Walk-in；若碰巧遇上民眾騷動甚或大型示威，有如參加一個自費Option般興奮，多少有點危險，但其實跟你畀200紐元簽埋生死狀，由新西蘭Queenstown離地100米的峽谷鐵橋上Bungy躍下差不多。

抵玩旅行團

若真有讀者看到這裏，定會想：「吹水啦！我都未跳過Bungy Jump。」是的，我哋都一樣未選過話事人。所以早個星期出發去馬來西亞的旅行團，照計應係主題團，收貴點。仲有，隨時碰到明星喎，粒粒都趕回鄉摻一腳，梁靜茹、光良、品冠呀，可惜開唔到音樂會啦，驚隨時停電要腰斬回水。這樣的選舉主題旅行團，有香港旅行社在美國辦過，不是吹水，我盼望，有日會在香港和祖國舉辦。

Alvin Lee．Reporter