G700s $739

要打機打得叻，除咗要日以繼夜、夜以繼日練習之餘，亦唔少得一套專業嘅打機滑鼠、鍵盤裝備。今次Logitech就於G系列遊戲滑鼠同鍵盤之上加入疏水性塗層，激戰期間緊張到手心出汗，都唔怕黐住黐住，咁就轆得爽手啦！

G700s $739

G700s拇指按鍵設計雖唔似G600咁有12個按鍵咁誇張，但都有四個按鍵可供編程使用。

G700s已配上充電池操作，微型USB無線接收器可收納於滑鼠之內；另亦可以USB線連接。

透過Logitech Gaming Software可自訂程式化按鍵，並可用上預設嘅熱門遊戲Profile Setting。

G500s也加入疏水性塗層，並且可加入砝碼調整滑鼠重量。$549

G400s喺滾輪上下方設調校掃描解像度功能鍵，可瞬間切換至4,000dpi。$399

鍵盤最左邊設12個專屬功能鍵，並將MMORPG中當成方向鍵嘅「WASD」鍵標上不同顏色，方便玩家。$1,699

G700s按鍵多

Logitech新G系列遊戲滑鼠共有三款，全都配備疏水性塗層，實際觸感乾爽，即使手汗特別多嘅玩家都冇有怕。G500s可加減砝碼改變滑鼠重量，主攻FPS遊戲；G400s設計較平實，但亦配備Delta Zero感應技術精確控制游標；而最吸引要算係最高性能嘅G700s，佢採用2.4GHz無線技術連接，亦可在「鼠頭」位置以USB線傳送資料同埋為滑鼠內充電池充電，始終「有線」設計會令玩家更加安心。G700s配備多組按鍵，食指位置設三組功能鍵，拇指位置又再設多四組，按鍵分布設計唔錯，無咁易撳錯掣。另外亦可透過自行下載嘅Logitech Gaming Software自訂13組程式化按鍵，可設定單一動作以至多組鍵盤組合嘅巨集功能，介面都幾簡單易用。

G19s設彩色屏幕

Logitech仲有打機鍵盤G19s，手枕位置加入疏水性塗層，至於按鍵表面則加入雙層紫外線塗層令鍵盤更耐用。既然稱得上係打機鍵盤，按鍵亦特別多，可透過鍵盤上12個專屬巨集鍵引伸出36個專屬功能，玩FPS或MMORPG就無往而不利。鍵盤上另亦設有彩色GamePanel LCD屏幕顯示各種資訊及遊戲應用軟件等，打機都打得Pro過人！

查詢：3619 6500