沖繩美食

先前去沖繩玩，喺Local Tour遇到東京來嘅遊客，佢話東京飛去要兩個半鐘，香港飛過去都一樣只係兩個半鐘，去得東京、大阪太多的話，遊下沖繩原來好就腳。沖繩啲嘢好唔好食？見仁見智啦，沖繩Soba（蕎麥麵）差九州拉麵好多，豬面肉就賣相有啲嚇人，個人心水都係車海老、島豚、苦瓜豆腐炒蛋（Goya Chanpuru）同埋海葡萄，食極都唔厭，加埋杯Orion生啤就Perfect也！沖繩那霸國際線空港仍然好「簡陋」，無手信，食堂又超細，行兩、三分鐘去國內線空港就豁然開朗，又多嘢食又多嘢買，買多幾Pack海葡萄做手信就最啱數！