「主人！食飯啦！」
近日同大學同學敍舊，其中女友人（無睇錯！係女性朋友）心思思想試女僕Cafe，本着「人一世物一世」一試無妨的心態便勇闖了這個「宅男勝地」，當中整個過程確實令人大開眼界。首先，所有叫女僕點餐的方式並非舉手，而係搖鈴，然後女僕們會跳吓跳吓行埋嚟再以高八度嘅聲線問：「主人，有咩可以幫到你？」如果你是動漫迷的話，相信聽到呢句只會全身「觸電」然後點一個最貴的套餐，但我當時只覺頭頂「有烏鴉飛過」然後繼續保持冷靜點餐。至於食物的製作竟然需時接近一小時，相信這段時間是為了讓女僕跟「主人」可以乘機互動，但可能我哋張枱「殺氣太大」，並沒有女僕願意主動埋身！最後，當大家滿心歡喜以為「萌萌蛋包飯」終於「現身」之際，女僕竟然再嚟一句：「食飯前我哋會一齊施展萌萌魔法！」雖然心裏十萬個不願意，但明白「入鄉隨俗」只好投降開口說了一句：「魔里～魔里～蕉！」其實這些女僕Cafe對不少人來說也算是食飯消遣的好地方，可惜並不是小記杯茶，所以下次敍舊，我寧願去由Angelababy扮女僕嘅baby café啦。
「主人！食飯啦！」
攻日掃貨要帶銀聯卡
V 臉何時回來？
至愛香氣
Alex Reporter
攻日掃貨要帶銀聯卡
十年八年前，幾乎所有日本潮店都視香港人為水貨客般，莫講話無乜招呼，想幫襯多兩件都好似唔多願意做你生意，但時勢逆轉，家吓潮店都無乜當地人幫襯，作為一個以輸出貨品為主的國家，此時此刻當然要為財大氣粗的人民（幣）服務！舖頭要有識普通話的Sales是基本，而內地通行的銀聯卡呢度一樣「大丈夫」，普及度直逼JCB，而且部分大型購物商場用銀聯卡購物更有折扣，所以連裏原宿「猿人氏」都要喺店內整番大大個燈箱寫住「歡迎使用銀聯卡」，五月份仲有唔少舖頭推出黃金周優惠，趁日圓回落，攻日掃貨係時候，記得帶銀聯卡喎！
Pasu Reporter
V 臉何時回來？
做潮流版，真係好多人走嚟問心得，但同時間亦有唔少人自動投案，向我真心推介。話說朋友VC住元朗，以為佢走嚟推介老婆餅，心諗唔使啩？原來佢話元朗有間叫彩豐行嘅店舖有好多美容護理產品賣，佢早排就買咗一個本地美容品牌JOSERISTINE推出嘅「V瘦面．輪廓緊緻精華」，VC話呢支產品係針對臉部鬆弛及浮腫而設，因為入面有4種成分包括Ameliox、ISO-Slim Complex、透明質酸同咖啡因，老實講，除咗後面兩種成分我比較清楚了解，前面兩個真係無乜認識， VC就話總之有抗氧化作用，能清除自由基，簡單講：即係抗衰老令皮膚變得滑滑。佢仲話只係用咗一個星期，感覺良好，仲專誠送我一支，我話咁破費呀？佢話只不過百幾蚊啫唔使客氣。Ok，你咁有誠意，我今晚就試吓。BTW，我塊面好圓咩？！
Amy Editor
至愛香氣
噴香水的習慣，由18歲生日那天開始，還記得那年獲好友送贈一支淡淡清新氣味的香水，那種香氣現在仍然印在腦海中，從此亦愛上了出門前噴香水這個小動作。在我的香水品牌排行榜中，Jo Malone是其中一個喜歡的名字，它是女生推崇的英國生活品味名牌。當中獨有的香水、沐浴、身體護理及家居系列可隨意搭配，調配出與眾不同的香氣。今夏限量版 Osmanthus Blossom 桂花香水即將上市，在記者會上早已試用過，花香味道能停留在身上大半天，噴後恍如走進了花園，值得推介給大家。
Candy Reporter
