三葉哈佛Tracksuit Top
就算畀我再讀多一次書，有幾努力都好，斷估都冇可能入到好似哈佛呢啲世界頭十名嘅一等一名校，惟有買件印有哈佛嘜頭嘅Tracksuit Top滿足吓自己嘅虛榮心。波士頓哈佛校園旁邊有大把售賣哈佛紀念品嘅店舖，唔少運動品牌都有出相關嘅Licensed Product。因為爆篋關係，行李只能裝得落一件衫，所以千挑萬選就揀咗件用上哈佛傳統棗紅色嘅「三葉」Tracksuit Top，只係喺胸前繡上一個小小嘅校徽，低調得嚟都幾有品味呢！價錢方面又真係唔算貴，五十幾美金有交易，堅抵！
三葉哈佛Tracksuit Top
摩登紅白藍
下星期一睇Blur
Brian Reporter
摩登紅白藍
身為科技版記者，隨身點都要帶備記憶卡、讀卡器、SIM卡等工作必需品，不過全部都係細細件嘅小物，最好梗係搵個袋仔裝住佢！早前放假行過「城市超級」中產百貨公司，見到美牌Dickies同該店Crossover嘅袋仔，竟然以冧樓價$30出售。雖然袋仔細細，不過就有三個間格，擺埋手機、相機都仲得：最抵死就係嗰三條誇張嘅紅、白、藍拉鏈，撞落平淡嘅黑色袋身即時醒神晒！
Vincent Reporter
下星期一睇Blur
土炮「醫神」唱歌場場爆，泡菜「之遮勤」開騷令少女瘋狂。惟小編對此都不感興趣，皆因我青少年時沉迷Britpop及Grunge Rock的。隨年紀漸長，聽音樂之範圍愈來愈闊，Jazz、電幻、古典、拉丁瓣瓣啱，但對韓國跳來跳去的那些音階始終不懂得欣賞。嗱！下星期一來香港只演一場的Blur就啱聽了，這隊廿年前Britpop的領軍樂隊早前宣布取消日本和台灣的演出，嚇得我以為他們連香港也不來！好彩官方表示香港之旅不受影響，可讓一眾英倫音樂老餅聚一聚，緬懷一番扮後生。
Tony Editor
