New Balance純潔的愛

運動鞋款，往時只求功能性，依家仲講求好襯衫，所以唔係打算做運動，但又想動感一點潮一點的人士，都會揀番對New Balance，貪其款式簡單，顏色配搭夠搶。最近日牌COMME des GARÇONS旗下副線eYe COMME des GARÇONS JUNYA WATANABE MAN同樣睇中佢，齊齊搞聯乘合作，推出呢款以1600型號為藍本的球鞋。（1600型號早前多得余文樂力谷 CM1600寶藍色，日日着用，潮人瘋搶。） 講番呢對聯乘作，全對玩純情，以白色為主，白色皮襯米白色麖皮，至於品牌名同型號，就用上白色刺繡。內櫳就用招牌的 ABZORB 氣墊避震系統，包保行得舒服。隔籬組同事一向迷「了巴」，相信會大感興趣，不過，我只會同佢講，自己上去eYe COMME des GARÇONS JUNYA WATANABE MAN網上店買啦。30,450日圓之嘛。唔貴吖！