入門Optimus LII 靚芒三寶
正所謂「一分錢一分貨」,入門Smartphone一般規格都差啲,屏幕既起格又淡色,睇片、上網都好礙眼。最近LG推出嘅Optimus LII系列就打破常規, L7II Dual、L5II、L3II Dual三部平價入門機竟然都用上招牌嘅IPS靚芒,色水掂、夠清晰,睇咩都咁舒服!而L7II Dual就最有睇頭,雙核心處理器加上雙卡雙待,售價唔使$2,500,好合理!
高質靚芒
IPS一向被用家公認為靚芒技術之一,不過成本較高,一般都係高階機先採用。今次LG嘅L7II Dual就罕有地配備4.3吋IPS屏幕,解像度都有480×800,驟眼睇已經覺得顏色顯示自然又清晰,而且可視角極闊,打側睇都冇偏色及反白,效果極好,同唔少貴價機有得揮!至於規格方面,大廠Qualcomm 1GHz雙核心處理器,加上768MB RAM,只屬中階硬件,幸好運行Android 4.1作業系統整體仍算流暢,打機、煲片都唔Lag機。
一拍翻譯
上一代L Series靠中階機價加靚樣冧到唔少用家,今次仲走埋實力路線,L7II Dual支援雙卡雙待,兩個卡槽都對應GSM四頻制式,外遊、公幹時就大派用場。另外機身前方最右嘅觸控功能鍵更換成雙卡按鍵,按一下就切換主卡,長按就會進入「雙智能卡」介面,可設定預設數據連接嘅SIM卡、SIM卡識別顏色以及圖案,方便易用。軟件則採用廠商自家介面,仲有唔少實用功能,好似可以喺畫面隨時畫畫嘅《QuickMemo》,仲有即時翻譯嘅《QuickTranslator》,用鏡頭對住外語文字就即時彈出翻譯結果,並對應英文、中文、韓文等多種外語。
SPEC
制式:GSM四頻、WCDMA(雙卡雙待)
處理器:1GHz雙核心
記憶體:768MB RAM/4GB ROM 支援32GB microSD
屏幕:4.3吋IPS(480×800解像度)
鏡頭:800萬像素
對外連接:HSDPA 7.2Mbps、Wi-Fi n、藍芽3.0、Wi-Fi Direct
作業系統:Android 4.1
電池容量:2,460mAh
體積:122.2×66.6×9.7mm
重量:127g
同場加映:
Optimus L3II Dual 迷你雙卡
跟L7II同樣備有雙卡雙待功能,不過體積就大縮水,與八達通卡差唔多,極的骰。咪睇少3.2吋嘅芒仔,其實同屬IPS素材,色水不俗;可惜解像度只得240×320,顯示唔夠清晰。而硬件方面亦屬入門級,包括300萬像素鏡頭、1GHz處理器、512MB RAM。
Optimus L5II 幻彩按鍵
Optimus L5II可以話繼承到上一代L Series嘅四方靚仔設計,加上備有4吋IPS芒、1GHz處理器同埋512MB RAM,規格都唔錯。最大亮點係Home鍵上加入LED燈,來電、鬧鐘、日曆、充電都會着起唔同顏色嘅LED燈,搶眼!
查詢:3543 7777
售價:$2498
左側上方備有獨立按鍵,可隨時開啟《QuickMemo》。
SIM卡槽係上下兩層設計,記憶卡仲支援熱插拔。
最右邊嘅功能鍵轉為雙卡鍵,切換主卡特別爽手。
特大嘅2,460mAh電池肯定撐到一日。
機背滿布細紋,有防滑作用。
圓角設計賣相十分大路,不過機身手感都幾紮實。
《QuickTranslator》大玩即時翻譯,現場試玩英譯中,辨識率甚高,對辦!
可以喺「雙智能卡」介面設定SIM卡顯示顏色及圖案,確保唔怕混淆。
撥號時會顯示使用邊一張卡,咁就唔怕打錯電話。
《QuickMemo》可以於任何畫面上寫字同畫畫,換埋筆迹、顏色都仲得。SIM卡槽係上機背滿布細紋,有防滑作用。下兩層設計,記憶卡仲支援熱插拔。
機身大小同八達通差唔多,輕巧便攜。
:Optimus L5II 幻彩按鍵 售價及推出日期待定
LED燈顏色多多又夠光,實用又搶眼。