GD搶先示範Thom Browne

早前「港版GD（自稱）」Tommy炒冷飯翻拍人哋MV企圖挽救事業，但因為張羅唔到Thom Browne 12 F/W 個套窩釘美式足球服，竟然斗膽盜用人家MV片段博大霧，一眾粉絲們當然起勢咁鬧表達不滿。但與此同時韓國正牌G Dragon早排就喺Instagram發放一張用Thom Browne 13 F/W方角剪裁紳士服照片，講快講型高下立見，極速將阮生徹底「K.O」！但話時話，當人人近排都捧60's大圓膊立體Cut時，「湯布朗氏」就係都要玩平面方角Cut，仲要連太陽眼鏡、帽、篋都係拮死人90度角設計，寄望香港時裝買手將系列單品一一引入。