Canon PIXMA MX927高效打印 SOHO至愛

SOHO一族間中需要打印文件，用一般商用打印機似乎太勞師動眾，而且又佔據不少空間，反而Size適中的多合一打印機會更啱用。全新Canon PIXMA MX927多合一打印機就有齊打印、掃描、影印及傳真功能，仲加入了雲端打印及AirPrint無線打印技術，能夠透過智能裝置遙距打印相片或文件，唔使再為線材而煩惱。MX927甚至可以將傳真以PDF格式儲存至USB手指，完全毋須經電腦，節省不少繁複工序；而且打印PDF文件時，仲可以透過機身上的3吋屏幕預覽，打印效果一目了然。

引入碟面打印

採用漸變紅黑鋼琴鏡面機身的MX927，最特別係新增光碟碟面打印功能，能夠將圖案打印在光碟上，以往呢種功能只會在MG系列出現，依家連MX系列都開始引進。除此之外，MX927使用一微微升墨滴，能夠打印精細的相片或文件，而且內裏配備了五色墨水，令打印出富層次感的相片，假如你需要經常使用黑色墨水打印文件，仲可以換上高用量的PG1I-755BK黑色墨水，容量是標準裝的兩倍多，仲使咩經常更換墨水咁麻煩。同場仲有較低階的PIXMA MX727，佢同MX927的最大分別是不設碟面打印、僅有2.5吋屏幕，機身的按鍵介面也大相逕庭，至於其餘的功能就大同小異，並只售$1,788。

查詢：3191 2333