MMM走向未來

睇開Sunlife潮流版，無理由唔知今季多個男牌大玩Metallic：Burberry Prorsum、Lanvin......總知要夠搶夠閃，若然自問未夠膽或未夠班成身閃令令，大可考慮由基本步：一雙鞋子開始。Maison Martin Margiela繼上年年尾為旗下Replica Sneaker系列打造全新的藍色金屬Sneaker之後，今個春季繼續玩金屬，今次呢對高筒Sneaker充滿科幻感，全對金色漆皮，隱蔽式鞋帶配以一條粗搭帶，襯棕色生膠鞋底，感覺較年輕，內籠就用上真皮及厚墊，包保着得舒服咁話。價錢方面，505歐元，即係5千幾蚊有交易，買唔買得過，閣下自理。