新年進步

曾聽說某名人在過年時唔會講「新年快樂」而係講「新年進步」，以前唔係好明點解，仲覺得佢扮晒嘢，但到最近終於領略當中意思。話說年初嗰陣忽然諗起自己的New Year Resolution，諗來諗去都冇乜特別想要或想做（當然我唔係去到無欲無求咁高境界），最終諗到就係希望樣樣進步，樣樣都做得好啲，Time Management、Planning、健康甚至係瞓覺同玩都可以做好啲，希望仍然Keep到自己把火同Energy。在此我亦祝福大家「新年進步」，亦如我家中的年花一樣充滿活力生氣，身體健康、花開富貴 ！

Sanna‧Senior Reporter

內外美兼備

從小到大都不太像女孩子，皆因從不玩煮飯仔，亦沒有玩過Barbie幫佢扮靚靚，所以對粉紅色沒有太大偏好，唯獨Dirty Pink是例外。最近見到Guerlain新登場的Eau De Lingerie香氛以一襲我至Like的Dirty Pink造型現身，即刻畀佢深深吸引住。

華麗精美的樽身設計，向來是香氛的賣點之一，不過講求靚外表之餘，亦要好「索」。淡淡的麝香加上玫瑰、鳶尾和檀香等清幽香氣，真係中晒我鍾情「淡香」的Taste。我深信呢支香氛會係繼Chloe之後，將會長駐於我的香水樽群入面！

Kiki‧Reporter

童年回憶

做潮流記者經常收到各式各樣的Press Release，可惜因為數目太多，有時候少不免會「過目即忘」，但早排卻有一份令我印象難忘！這個由:CHOCOOLATE設計的木製搖搖就勾起小記不少兒時的回憶，小時候曾經也是「超速搖搖」的狂熱粉絲，每日放學都要準時趕返屋企坐定定睇電視，然後學主角一樣跟阿哥比併搖搖技術，簡簡單單一個玩具就可以玩上幾個鐘頭，樂不知疲。現在出來工作疲於奔命（雖然我十分樂在其中），卻很想抽空來玩玩，重拾當初平平凡凡的快樂！

Alex‧Reporter

無情人亦有禮

今年新年情人節再次撞到正農曆年，小記雖非「去死去死團」的成員，但當看到街上一眾情侶捧着大大紮的玫瑰，有影皆雙，和朋友們總會說着：「嘩，好浪費啊，折現仲好啦！」心裏總會有點酸溜溜的感覺。

還好，在工作上曾收到一大盆玫瑰花，朵朵都分量十足，而且色澤鮮艷；另外亦有以玫瑰為題的限量版胭脂，更附上靚到不捨得吃的玫瑰巧克力，算是彌補了小記不平衡的心理！

Yilam‧Reporter