炸彈層層疊

層層疊喺我眼中簡直是不老的遊戲，幾十條的積木隨着時代經過多次變革：塑膠版、情人版、數字版、骷髏版……不過無論點變都好，每次拎出嚟，老少親朋都玩得不亦樂乎！玩咗咁多年，元祖Jenga終於搞搞新意思，推出強勢「計時炸彈」版，响積木下面加多個計時座，無論上面疊得幾穩，時間一到，都會「炸」到一地都係！呢個玩法最啱催促嗰啲要諗好耐篤邊舊積木的「好朋友」，仲諗？爆炸喇！

Mary K Reporter

生日貼紙機

本來到咗咁上下年紀，生日都盡量唔想記起。不過，我的一班同事真係好到不得了，除咗陪我玩足一日之外，更加不停為我送上歡樂，蛋糕、小禮物等源源不絕。（在此多謝晒各位！）值得一提的是，跟我一樣屬水瓶一族，但古怪程度比我更甚的V同事，為我送上一部「愉快自製貼紙機」，呢部機想當年睇廣告見到都覺得幾有趣，估唔到竟然會變成生日禮物。以為購自玩具舖的它好易玩，點知在午飯時間都考起了幾位同事，用咗少少時間去研究那堆日文說明，最終我都為自己成功製作出「閃亮生日貼紙」，好好玩呀，青春頓時返晒嚟！

Sammie H Reporter

望「卡」止癮

隨着科技發達，小記早已忽視傳統生日卡的存在價值，直至最近因工作所需，才發現生日卡款式有着不少變化，形形式式令人驚喜不已，當中我最喜歡這張Pop Up生日卡，因對於要湊仔的我來說，可以Hea住睇電視是件奢侈的事，現階段惟有望「卡」止電視癮先啦！

查詢：2175 4888

Lum Reporter

輕熟女多面睇

也許因為小記也輕輕為年齡危機而心虛吧，有次閒逛書店，對這本《輕熟女就是王道》的繪本大為好奇，揭了幾頁已覺得太有趣（又寫實），簡直是愛不釋手。書中畫的是作者於中女之年「發奮圖強」成為靚女的日記，輕鬆抵死，而值得一提的重點是，就算你是何等美女，體內也總有宅女的因子跳動！而最到位的莫過於這張乾物女VS輕熟女分析圖，細說兩者的腦內分配圖和假日時間表，天壤之別卻由同一個腦袋輸出。其實女生可以有很多面，漂亮得體的背後，總有懶散自我的一面，不要以為靚女不會戴眼鏡踢拖落街呀！

《輕熟女就是王道》

作者：輕熟女Yan

出版社：一丁文化

售價：$68

Karen K Reporter