雲上旅程:大話父母
昨天寫過美國出名的「大話報」《世界新聞周報》,幽了希拉妮一默。指她有個外星情人,又忍不住翻翻同一期新聞,其中一段老作一位專家做的研究,指出作為父母,是可以向自己的仔女講大話的!而且列出10個最多家長向子女講的謊言,非常過癮。
1.:「你父親和我,是等到結咗婚先做o架!」(大家明佢哋做乜啦!)
2.:「講大話只會令事情更加差。」(唔知家長講多啲定子女講多啲呢?)
3.:「無論發生甚麼事,我們也愛你的!」(係呢,次次0分都愛?)
4.:「那些是爸爸的藝術雜誌,是資料搜集的材料。」(當然在講鹹書啦!)
5.:「我們只是在做實驗,從未吸入口!」(可能是煙甚至大麻!)
6.:「我們當然是你親生父母!」(這被列作十大大話之一,一點也不奇怪,我也知道不少人的父母非親生,但他們自己卻不自知。)
7.:「這些是爸爸媽媽的藥,你不能食,否則你會睡在地下!」(點解睡地下?嗰啲毒品嚟o架,細路!)
8.:「這次未輪到我們可以去迪士尼,下年先啦!」(細路唔知唔使排隊o架,畀錢就入得啦!)
9.:「旺才去咗農場住,因為佢日日可以追白兔。」(隻狗死咗,用呢個白色大話呃住細路又OK噃。)
10.:「你想到甚麼,就可以做甚麼!」(我諗呢句好少出自中國人父母,相反佢哋常說:「你諗都唔好諗呀!」)